Popular Bible Verses from Mʉkpanganɨa 45

Share

Ɨtakɨtakɨ ngɨyɛ, akʉʉ yaka ngɨyɛnɛnɨ ná꞉nagaba-ɔɔ, nátɨdyamʉ ikoko, nɔ, nátɨnamʉ ɓɔ ná꞉kɨa ɓɨɓɨ kʉɓanɨ. Asɔɓɨɨ akɛ, a꞉natʉma ɨmɨ, iyani apɛɨ ɔ eno, dɔ, niheiso uɓei wɔ ɓombi ɓaja.

Kʉɓanɨ, angɔmʉ inu akɛ, ná꞉natʉma ɨmɨ iyani, ya ta Asɔɓɨɨ. Ɨyɔ ingainga akɛ, a꞉nekisiso pɔngɔ ɨmɨ, aɓio nɛbaya ata mʉja ɔ Falaɔ. Kʉ ɨyɔ, a꞉napɨa ɨmɨ, akɔkyendekiso ɨmbaa ngɨyɔ Falaɔ iɓomu, nɔ ɓio ngama akanga ɨkʉmbʉ yɔ Misili iɓomu.

Asɔɓɨɨ akɛ, a꞉natʉma ɨmɨ iyani apɛɨ, ɓɔ dɔ, ɨnɨanɨeni nɔ ɓanɔnɔ aka, amati ɔ ɨkʉmbʉ ngɨyɛ, nɔ, nátisiomʉ kʉɓanɨ. Ya ɓʉhɛa ngʉɓa ɓɔta ɓʉja.

Ga Yɛjɛfʉ nɔ ɓamanye aka ɓɔ: «Kikiliki, ɨsɨnganeni tinene nɛmɨ.» Kʉdɔ, ɓɔ꞉mɨsɨnganɨa ta ɓanɨ. Ga ɨyɔ ɓɔ: «Inu, ná꞉nagaba jɛnɛ ɨmɨ, iyani anɔ Misili, ndʉ baya. Ɨmɨ, mwana ɔ anʉ eno Yɛjɛfʉ, ta ɨya.

Aka taa ya꞉kwa pɔngɔ-ɔɔ akɔ dɔdɔ, mago ka tɨa kapɨnɨ. Yɔtukoo ɓata kʉ mago ɓɔkʉ kɔ taa, ʉka yangɔɓiomʉ-ɔɔ nɔ ɨhʉna, pɔ angbinga ɔ buoko masɔɔ.

Ga Yɛjɛfɛ nɔ ɓamanye aka ɓɔ: «Inu ɓana ɓɔ ɨnaa, ɨmɨ Yɛjɛfʉ ɨyakɛ! Aba a ndɨ-sɨ ta aubei?» Yakamɛngana, ananɨ apɛɨ angɔ ɓamanye ɓɔ꞉kwa ʉɓá, nɔ, sɔkɔmʉ ɓɔ꞉mutosio pɔ yaka.