Popular Bible Verses from МысырикӀыжь 7

Share

Ау Зиусхьаным Мосэ къыриӀожьыгъ: «Еплъ, фирхьауным Сэ Тхьэ папкӀэу уфэсшӀыгъ, пшэу Хьарунэ о уитхьэлӀыкӀощт.

Сэ фирхьауным ыгу зэшӀуезгъэдзэнышъ, синэшанэхэмрэ Ӏоф шӀагъохэмрэ бэ дэдэу Мысыр хэгъэгум къыщызгъэлъэгъощтых. Фирхьауныр къышъодэӀущтэп, джащыгъум Сэ Мысырым сыкъыфырехыщт. СкӀуачӀэкӀэ лъэшэу ащ щызгъэпщынэхэзэ, израиль цӀыфхэу Силъэпкъыр, дзэр зэрагъэуцурэм фэдэу зэхэтхэу, Мысыр хэгъэгум къисщыжьыщтых.

Джащыгъум, Мысырым сыкъыфырехэу, израиль цӀыфхэр ахэм къызахэсщыжьхэкӀэ, Сызэрэ Зиусхьаныр мысыр цӀыфхэм къашӀэщт».

Фирхьауным упчӀэжьэгъухэмрэ шхъухьашӀэхэмрэ къаригъэщагъэх, мысыр удыхэм яшхъухьэ кӀуачӀэхэмкӀэ джащ фэдэ къабзэу ашӀагъ. Шъхьадж ибэщ къычӀидзи, ахэр блэ хъугъэх. Ау Хьарунэ ибэщ адрэмэ ябэщхэр ыдырыгъэх.

Мары Зиусхьаным къыуиӀорэр: „Зиусхьаныр зыфэдэр джыдэдэм къэпшӀэщт“. Сэ мы бэщэу сӀыгъымкӀэ Нил псым сыхэонышъ, ар лъы хъущт.

«Фирхьауным „ШӀэгъуашӀэ горэ къэжъугъэлъагъу“ къышъуиӀомэ, ащ дэжьым о Хьарунэ еӀу: „Уибэщ шти, фирхьауным ыпашъхьэ щычӀэдз“. Ар блэ хъущт». Мосэрэ Хьарунэрэ фирхьауным дэжь кӀохи, Зиусхьаным унашъо къызэрафишӀыгъэм тетэу зекӀуагъэх. Хьарунэ ибэщ фирхьауными ащ иӀумэт Ӏэшъхьэтетхэми апашъхьэ зыщычӀедзым, ар блэ хъугъэ.