Popular Bible Verses from Хэбзэ тхыжьыгъэр 30

Share

Мы уашъори мы чӀыгури непэ сишыхьатых – щыӀэныгъэмрэ лӀэныгъэмрэ, нэшӀущыфэныгъэхэмрэ тхьамыкӀагъохэмрэ шъуахэдэнэу непэ къышъосӀуагъ. ЩыӀэныгъэр къыхэшъух шъори къышъухэкӀыщтхэми шъущыӀэнэу, шъуи Зиусхьанэу Тхьэр шӀу шъулъэгъунэу, Ащ къыӀорэм шъуедэӀунэу, шъугукӀи шъуепкӀылӀэгъэнэу щыӀэныгъэм шъухад. Зиусхьанэу Тхьэр ары шъуищыӀэныгъэ ылъапсэр, шъуятэжъхэу Ибрахьимэ, Исхьакъ, Якъубэ къаритынэу Зиусхьаным гущыӀэ пытэ зыфишӀыгъэ чӀыгум Ащ илъэсыбэрэ шъущигъэпсэущт».

Шъуи Зиусхьанэу Тхьэр шӀу шъулъэгъунэу, ащ илъагъохэм шъуатетынэу, иунашъохэр, ишапхъэхэр, ихабзэхэр жъугъэцэкӀэнэу непэ сэ унашъо къышъуфэсэшӀы. Джащыгъум шъущыӀэщт, шъубэгъощт, шъуиунэенэу шъуубытыщт чӀыгоу шъуздакӀорэм шъуи Зиусхьанэу Тхьэм ынэшӀу къыщышъущыфэщт.

Шъусакъ, е щыӀэныгъэмрэ шӀугъэмрэ, е лӀэныгъэмрэ тхьамыкӀагъомрэ шъуахэдэнэу непэ фит шъусэшӀы.

А унашъохэр шъо къышъупэблэгъабзэх: зэрэжъугъэцэкӀэнэу ахэр шъубзэгумэ ателъба, шъугумэ арылъба!

Шъуи Зиусхьанэу Тхьэм шъугурэ шъупсэкӀэрэ зэрэщытэу зешъутыным, шъузэрэщыӀэным пае, шъуи Зиусхьанэу Тхьэм шъори къышъухэкӀыщтхэми шъугухэр зэблихъущтых.

Шъуи Зиусхьанэу Тхьэм зэкӀэ шъушӀэрэм ынэшӀу къащыфэщт, кӀалэхэр бэу къышъуфэхъущт, шъуибылымхэри шъуилэжьыгъэхэри бэгъощтых. Зиусхьаныр шъуятэжъмэ апае зэрэгушӀощтыгъэм фэдэу, шӀур къышъуфишӀэзэ, шъощ пае джыри гушӀощт

Ау шъугухэмкӀэ Ащ пэчыжьэ зышъушӀэу, шъуемыдэӀоу, нэмыкӀ тхьэхэм шъхьащэ афэшъушӀыным, шъуафэлэжьэным зыздяжъугъэхьыхыкӀэ, джащыгъум, непэ къышъосэӀо, Ӏо хэмылъэу шъукӀодыщт. Иордан шъузэпырыкӀынышъ, шъуиунэенэу шъуубытыщт чӀыгоу шъузэрыхьащтым бэрэ шъущыпсэущтэп.

Непэ унашъоу къышъуфэсшӀыхэрэр шъоркӀэ къиныщтхэп, жъугъэцэкӀэни шъулъэкӀыщт.

„Хэта адэ уашъом дэкӀоенышъ, ахэр зэрэдгъэцэкӀэнэу къытфезыхьыхыщтри къытэзыӀожьыщтри?“ шъуӀозэ, шъукӀэупчӀэнэу, ахэр уашъом щыӀэхэп.

„Хэта адэ хым зэпырыкӀынышъ, ахэр зэрэдгъэцэкӀэнэу къытфэзыхьыщтри къытэзыӀожьыщтри?“ шъуӀозэ, шъукӀэупчӀэнэу, ахэр хы кӀыбым щыӀэхэп.