Popular Bible Verses from Хэбзэ тхыжьыгъэр 28

Share

Мосэ израил лъэпкъым риӀуагъ: «Уи Зиусхьанэу Тхьэм уедэӀоу, непэ унашъоу къыпфэсшӀыхэрэр зэкӀэ дэх имыӀэу бгъэцакӀэмэ, уи Зиусхьанэу Тхьэм дунаим тет цӀыф лъэпкъ пстэуми уакъыхиӀэтыкӀыщт.

Уи Зиусхьанэу Тхьэм уедэӀумэ, мы нэшӀущыфэныгъэхэр зэкӀэ уиӀэщт.

Зиусхьаным апшъэ уигъэуцущт нахь, ауж уишӀыщтэп, уахэӀэтыкӀыгъэщт нахь, ачӀэгъ ущыӀэщтэп, уи Зиусхьанэу Тхьэм иунашъохэу непэ къыуасӀохэрэр уафэсакъэу, уадэмыхэу бгъэцакӀэмэ

УичӀыгу игъом ощх къытыригъэщхэнэу, зэкӀэ пшӀэрэм ынэшӀу къызэращыфэнэу Зиусхьаным имылъку гъэтӀылъыпӀэу щыт уашъор къыпфызэӀуихыщт. ЦӀыф лъэпкъыбэмэ чӀыфэхэр яптыщт, ау о чӀыфэ къаӀыпхыщтэп.

ЗыкъыппэзыӀэтырэ уипыйхэр Зиусхьаным уапашъхьэ щызэхигъэтэкъощтых. Ахэр зы гъогукӀэ къыокӀущтых, ау гъогуиблыкӀэ ашъхьэхэр Ӏуахыжьыщтых.

Зиусхьаным ынэшӀу къащыфэщт уиконхэми зэкӀэ уиӀофхэми. Уи Зиусхьанэу Тхьэм ынэшӀу къыщыпщыфэщт уиунэенэу къыуитырэ чӀыгум.

ЯӀэщт нэшӀущыфэныгъэ уикъэгъэзэжьыни уидэкӀыни.

АщыуиӀэщт нэшӀущыфэныгъэ къалэхэми губгъохэми.

УиӀэщт нэшӀущыфэныгъэ бынэу къыпхэкӀыхэрэмкӀи, блэжьырэ чӀыгумкӀи, уибылымхэмкӀи, уицухэмкӀи, уимэл-пчэн ӀэхъогъухэмкӀи.

Уи Зиусхьанэу Тхьэм иунашъохэр бгъэцакӀэу, Ащ игъогухэм уатетмэ, гущыӀэ пытэ къызэрэбдишӀыгъэу, Зиусхьаным Ежь иунэе лъэпкъ лъапӀэу уишӀыщт.

ЯӀэщт нэшӀущыфэныгъэ уиматэхэми уилъэтэнылъэхэми.

Зиусхьаным уиунэенэу уятэжъхэм гущыӀэ пытэ къызыфадишӀыгъэ чӀыгум шӀугъэ пстэури щыуигъэгъотыщт: уикӀалэхэми, уибылымхэми, блэжьырэ чӀыгуми.

Джащыгъум дунаим тет цӀыф лъэпкъ пстэуми Зиусхьаным ыцӀэкӀэ къызэрэоджагъэхэр къалъэгъущт, къыпщыщынэхэуи хъущт.

унашъоу непэ къыуасӀорэмэ ащыщ горэми джабгъумкӀи сэмэгумкӀи удэмыхымэ, нэмыкӀ тхьэхэм ауж уихьэу, бгъэлъапӀэхэу ахэм шъхьащэ афэмышӀымэ.

Ау уи Зиусхьанэу Тхьэм уемыдэӀоу, Ащ иунашъоу, ишапхъэу непэ къыуасӀохэрэр зэкӀэ уафэсакъэу умыгъэцакӀэхэ зыхъукӀэ, мы бгыбзэхэр къыптефэнхэшъ, ахэм уахэтыщт.