Popular Bible Verses from Апэрэ Самуел 17

Share

Даут фылистым риӀожьыгъ: «О чатэр, пчыпыджынышхор, пчыпыджын кӀэкӀыр уиӀэдакъэхэу укъыспэгъокӀыгъэмэ, сэ Зиусхьанэу ошъогу дзэхэр зиӀэрылъхьэм, Израилым идзэмэ я Тхьэу, Ӏаягъэхэр къызэпӀолӀагъэм ыцӀэкӀэ сыкъыппэгъокӀыгъ.

ЕтӀанэ мы цӀыф жъугъэмэ къашӀэщт Зиусхьаным чатэмрэ пчыпыджынымрэкӀэ укъызэримыухъумэрэр, сыда пӀомэ мыр Зиусхьаным изаошъ, Ащ шъо тӀэ шъукъырилъхьащт».

ЕтӀани Даут къыӀуагъ: «Аслъанми мышъэми сащызыухъумэгъэ Зиусхьаным а фылистми сыщиухъумэщт». Арти Саул Даут риӀуагъ: «КӀо, Зиусхьаныр гъусэ къыпфэхъу».

Джы Зиусхьаным сӀэ укъырилъхьащтышъ, усыукӀыщт, пшъхьэ шӀосхынышъ, фылистхэм ядзэкӀолӀхэми яхьадэхэр ошъогу бзыухэмрэ чӀым тет хьэкӀэ-къуакӀэхэмрэ ястыжьынхэшъ, Израилым Тхьэ зэриӀэр зэрэдунаеу щызэлъашӀэщт.

ЕтӀанэ ибэщ къыштэжьи, псы игъукӀыгъэм ылъэгу мыжъо джэшъуитф къыхихи, имэлэхъо Ӏалъмэкъ рилъхьагъэх. Мыжъодзыр ыӀэдакъэу фылистым езэонэу ежьагъ.

Даут Саул риӀуагъ: «Ащ пае хэти орэмыгумэкӀ, уиӀумэт кӀонышъ фылистым езэощт».