Popular Bible Verses from Waxye 16

Share

“Taykinna, anu garceena balih amiitiyuk ane! Casiinih yadiyeh, kaa cawra xiyaw akko tablemko, dhiinekkah, ishi sara dhawrhak sugati barakä-le tiya kinni!”

Lix-ya malaykatti ishi shaxan Awufraathis nahaaradde xarhe. Amaa laye lel ayrommaaxaako tamiite nuguusah arax tasqarrabo ciloh kafte.

Ta mari ishaarar aba junuun ufaye kinon. Usun tamaa Ummanim Dhiica Yallahi naba lellecih dhibah ten yaskattoona, umbuka caalamhi nuguusa fanah irolle tadiyem kinon.

Acanah iggidin adooxa najaasa-le ufayi lel amaa gaabbaati af, amaa alluulatti af kee zirabti nabiihi afko awcuk uble.

Usun lel dhacuma lacnah xararen, amaa balat bukalle xayla le Yallah waatimen. Usun yotoobiinih kayya maynabinnooni.

Amaymih, erherh malaykatti yedeeh ishi shaxan baarholle xarhe. Amaa alluulatti tuumar le mara kee kaa mislih yucbude maralle fajce kee waaxelta le biyok alle yewce.

Cibriyah “Armageddoon” akko yarhxin makaanolle lel ten yeskettin.