Popular Bible Verses from Filibbi 2

Share

sinni nafaacah yakko, yi ware-beeh walaa inkim maabina. Sarreh, amnonobba xabteenih, garo sinneeko naballe ibbirhanta. Sinko ummanti ishi nafaaca bisa able wayooki, garin nafaaca gantah yabloo.

Sin niya lel Masiix kin Yeesus luuk yine niya balih takkoo.

Usuk Yallaalih lem kinni ummannaha, Yallaalih le leemino yabbarho maaxasabo xaylaha. Sarreh, xiyawti xibarah yoobokeh, garuzzi thabiica abiteyaako, foyya ishek abe. Ishe yuscundhuweh xiyawti barhahi misle yekkeh yemeete, rabi fanah lel inkinnah masqalak rabo Yallih amre yoobbe.

Amayim lel farhi taalloona kee kayyadde basak-tarhxem abtoona ciloh sinadde ashtuqhuluk yaneti Yalla kinamhi sabbatah kinni.

Amayimhi idhdhah, Yalli umman tiyahi bukalle xaf kaa isheh, umman migacko naba migac lel akah yoxoyeh yane. Amayim lel, umman gulub inkoh carshe kee baarholle, baarhot geridde yaneya Yeesus migacah gululluubuwo ciloh kinni. Abba kin Yallahi nabneh lel Yeesus Masiix Maddara kinamah, umman anrab yaalamo kinni.

Ummanim lel angoroozomekkah hido ankeexedekkah abanta. Amaymih, ta kodhdhayti kee temxeleelefe ijohi addadde, cadale hin Yallih cindham barii kinya tekkiinih, ta caalamalle ifo balih ifishshoona kitin.

Amaydo, ko yi kaxantoolito, umman gedda akah tim-izziziiniikah, kado gantah, anu sinlih aniyuk bisa akkekkah, fertoh anu sinlih anniye waya gedda, gilix kee arharhoolih sinni garger akah taybulluyniikah ushtuqhula.