Sin afcaadoh intit ifisheh, tamaa sinah deecime tiyahi cag ayim kinam taarhagoona, tamaa yinqiddise marah tamxawo kin nabne le miiraas ayidhdha gaddaale kinam taarhagoona gantah dhaaco abak aniyo. Tamaa yaamine marak usuk nottah leya qiyaas hin kaa xaylahi nabne ayim kinam taarhagoona ciloh lel dhaaco abak aniyo. Ta nottadde akhdumuk yane naba kaa xaylih dhic lel, Masiix rabaako uguseh, carshi makaaanolle ishi mizgi gabooko akah defeyshe xayla kinni. Ta waqhtedde bisa akkekkah, yamaatole waqhtedde gantah, umbuka reeza kee mas-uuliya, xayla kee giz-at bukalle reezisheyaako, umman tiyahi bukalle kin migac akah yoxoye.