Popular Bible Verses from 2 Bithroos 3

Share

Maddari ummanti yataabo kibah, walaa inketti yalaw mifarhamhi sabbatah, sinah arhxuk asbiruk yanenkah, tamaa garodde caawitemih akah iggidaakah, tamaa ishi wacde yaskimiliinim caawisho maki.

Laakin yi kaxantoolito, Maddaralle inki lellec shiix iggidiya balih, shiix iggidiya lel inki lellec balih kinam, tatiyä mibiyashshiitina.

Laakin ni Maddara kee Gargeereena kin Yeesus Masiix nicma kee irhgadde carsimanta. Kayyah lel kado kee umman geddah nabne takkoo. Amin.

Maddari lellec laakin garceena balih yamaato kinni. Amaymik sarrah, caran goroxak tillaabo kinni, carantim lel xarareyaako dalalo kinni, baarho kee baarholle tekke ciyyo xararto kinni.

Tayim taginah talawo tekkek sarrah, aaginale xiyaw kinni takkoona sinalle tanem? Tamaa Yalli adde yamiite lellec ilaalak kee afishak, tinqiddise aniina kee Yallih mashshiilih kinni martoona sinalle tanem. Amayim lel amaa lellec caran xarareyaako yalaw kee carantim bolah dalalo kinamhi sabbatah kinni.