Popular Bible Verses from Sefanya 1

Share

Lengro roup oun sonakay nay lell len gar vin dran koy bibarht ap ko dives, kay o baro Debleskri rholi pral lende vella. Leskri bari rholi vell har i yag pral o tselo them oun krell halauter paash. Sik vell o merepen pral halauter, kay kote djivenn.

O baro dives o baro Deblestar hi gar dour, sik vell lo oun hi glan o voudar tardo. Kova hi sau čilačo dives! Shounenn, har ninna i zorele bari gole denna!

Ma rakrenn či, te venn glan o baro Debleste, maro rayeste! Ko dives vell sik, kay vell o baro Debleskri rholi pral i menshende. Kava dives hi har i marepaskro dives, kay firhen maredo venn o Debleske oun i rhapen kerdo vell. O baro Devel kras ko rhapen oun das menshen khetne gole, te venn le pash o rhapen.