Popular Bible Verses from Tito 3

Share

Kova lauter vas vavarčandes, har o Devel mende sikras, har lačo oun kamlo yob ap i menshende hi. Yob las men dran o čilačepen vin oun anas men pash peste. Hams gar moldo, te kras yob kova. Ninna te kram gar lačo oun čačo koova, his o Debles i baro dji menge. Doleske thovas lo mari doosh mendar tele, oun mer vam leskre čave. Kava nevo djipen das men o Debleskro Dourho. Koles bičras o Yezous Kristo pash mende, oun mer lam lestar boud. Yaake čivas men o Yezous Kristo an o čačepen dran lauter lačepen, te dell lo men ko djipen, hoy gar pre-herella. Oun mer djinah, kay lah ko djipen an ko tsiro, hoy vella.

Pen i patslenge, te shounenn le ap i rayende pral i themma oun pral i forya! Pen lenge ninna, te krenn le hako lačo koova, te rakrenn le gar djoungeles pral vavarende, oun te rodenn le kek čingepen! Na-a! Yon hounte venn o djiyestar lačo oun kamlo ap i tsele menshende.

Ma shoun ap ko dinelo rakepen, hoy či molella! Ma činge lentsa pral kol lila, kay hi i phourengre laba dren činlo, vitar gar pral kova, hoy an o Moseskre lila činlo hi. Savo čingepen hi gar mishto i menshenge, oun hi či moldo.

Te dell yek mensho, kay anell čingepen mashkral i patslende, pen koleske, te moukell lo kova! Yob te moukell gar tele, pen kova leske i douyto kopo! Yob te shounell gar ap toute, palle rake bouder gar leha!