Popular Bible Verses from 4. Mose 13

Share

Har i menshe kova shounan, trashan le oun čingran ap o Moseste. Koy das o Kaleb len trad, oun penas: “Avenn, mer djah kote, oun lah ko them menge! Mer nay ham zorleder har yon.”

Mer dikam kote ninna i Nefilim, kay hi bare menshe. Lengro phouro dad hi o Anak. Mer hams an mare yaka har stepangre, oun yaake hams ninna an lengre yaka.”

Kol morsha, kay djan leha, penan: “Na-a, mer nay kourah men gar kol menshentsa! Yon hi zorleder har mer.”

Oun yon anan djoungelo koova pre pral ko them, kay dikan le pen trouyel, oun penan ap i Israelitarya: “Ko them, kay djam trouyel, te dikas, har kova hi, rhal kolen, kay djivenn kote. Oun kol tsele menshen, kay dikam kote, hi bareder har mer.

Oun yon penan: “Mer vam an ko them, kay tou bičral men. Oun čačepah an ko them hi boud thoud oun gvin. Dikenn i drake, fayge oun phabya, hoy kote bares van!

Yek koova hi gar mishto: Kol menshe, kay djivenn kote, hi zorelo. Kol forya hi baro oun zorelo kerdo. Oun mer dikah kote ninna kol menshen, kay venn pal o Anak.

An o them Negev djivenn i Amalekarya. An o pralstouno them djivenn i Hetarya, i Yebousarya oun i Amorarya. Pash o baro pani oun pash o pani Yordan djivenn i Kanaanitarya.”

Oun van pash o Mose oun o Aron oun pash kol tsele Israelitarya, kay ačan an o moulo tato them Paran pash i panyeskro kotar them, hoy kharella Kadesh. Oun yon penan lenge kova, hoy yon dikan, oun sikran lende kol drake, phabya oun fayge dran ko them.