Popular Bible Verses from 3. Mose 26

Share

Me djivau pash t'mende, oun hom t'maro Devel, oun t'mer han mire menshe.

palle moukau me brishin te dell an ko tsiro, kay hounte vell. Oun o them moukell t'menge lauter bares te vell, oun i rouka hidjrenn pengre roukengre.

Te djivenn yaake, har me t'mendar kamau oun rikrenn kova hoy me penom

T'mer nay djivenn an o lačepen kolentsa, kay troul t'mende djivenn, te nay sovenna, oun kek tserdell t'men dran o sopen. Kol divye firhen tradau me dran o them vin. Kek lourde venna an t'maro them, te marenn le t'men.

Me dikau lačes ap t'mende, oun krau, te lenn boud čave, yaake te venn boud. Oun hoy man sovel dom, te dap t'mende, rikrau dren.

Me, o baro Devel, hom t'maro Devel, oun anom t'men dran o them Egiptia vin, te ačenn gar bouder lengre pandle boudepangre. Kote hans har groumya, kay hounte boudrenn i kashteha troul lengri meen. Ko kashtes phagom me, te nay djan pale pre hadede sherya.

Oun me djivau mashkral t'mende, oun sikrau t'men gar miro doumo.

Ma krenn t'men rhorhene deblen, vitar kek figure oun pre-čiddo barra, oder barra an kolende i shero dino hi, te mangenn len an! Me, o baro Devel, hom t'maro Devel.

T'mer anenn yaake boud djob dren, te hi t'men gomme phouro djob te rhal, te vell o nevo djob dren anlo. Oun t'mer hounte vitsrenn ko phouro djob krik, te vell platsa, kay čivenn o nevo djob koy.

Panč t'mendar lenn i sheel lourdenge palla, oun i sheel t'mendar nashenn 10.000 (deesh-zerya) lourdenge palla, te denn le len moulo. Kolla, kay kamenn t'men te marell, venn t'mendar o rhareha moulo dino.

Ko tsiro kay t'mer o djob vin denn, djal bis te vell ko tsiro, kay činenn i drake tele. Oun ko tsiro, kay činenn i drake tele, djal bis te vell ko tsiro, kay vitsrenn o djob pale vin an i phoub. Oun t'men vell boudeder har doha rhapen. Kek krell t'menge čilačepen.

T'mer lenn kolenge palla, kay kamenn pen t'mentsa te kourell, oun t'mer denn len o rhareha moulo.

Rikrenn mire Debleskre divessa dren, oun anenn kek ladj ap miro kheer. Me hom o baro Devel.