Popular Bible Verses from 3. Mose 19

Share

Ma de o čilačepen pale, hoy i vavar ap toute kras, oun hidje leske či palla. Tou vess yaake lačes ap leste, har hal lačes ap toute kokres. Me hom o baro Devel.

Ma činenn t'men an t'maro mass, te meras yek. Kek sikepen krenn ap t'mende! Me hom o baro Devel.

Pen ap i tsele Israelitarya: Me, o baro Devel, hom t'maro Devel. Kek vavar hi har me. An mande hi kek čilačepen. Oun t'mer hounte djivenn yaake har i Debleskre menshe djivenn.

Te rhoyral tout pral yekeste tire menshendar, ma hidje tiri rholi touha trouyel. Pen leske, hoy lo gar mishto kras, te aness kek doosh ap toute.

Ma djan pash i dourkepangre oun pash kolende, kay i moulen poučenn! Ma rodenn saven pre, te krenn t'men gar pale-čiddo ap lende. Me, o baro Devel, hom t'maro Devel.

Ma dja trouyel oun pen rhorhepen pral i vavarende! Te hounte peneh vin glan i čačepangre, ma pen rhorhepen, te aness o vavares an o merepen. Me hom o baro Devel.