Popular Bible Verses from Efesarya 5

Share

T'mer han o Debleskre čave. Oun yob kamell t'men i tselo djiyeha. Doleske krenn lauter yaake, har o Devel kova krella, oun djivenn an o kamlepen, yaake har o Yezous Kristo peskro kamlepen mende sikras, har yob menge meras. Oun yaake das lo peskro djipen o Debleske. Oun o Devel dikas lačes ap leste.

Denn yak koy pre, har t'mer t'maro djipen djivenna! Ma djivenn har dinele menshe! Djivenn har kolla, kay djinenna, hoy mishto hi! Hako kopo, kay krenn nay lačo koova, krenn kova! Kava tsiro, kay djivah, hi čilačo.

Ma piyenn yaake boud mool, te venn mato! Te han mato, palle krenn t'mer hako dinelo koova. Moukenn o Debleskro Dourho o ray an t'mende te vell, oun venn pherdo lestar! Givenn lauter khetne o Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Givenn oun bashrenn o tselo djiyestar o Yezouseske, maro rayeske! Parkrenn t'men hako tsiro pash o Debleste, maro dadeste, lautereske, hoy das lo t'men! Krenn kova an o lab maro rayestar, o Yezous Kristestar!

Doleske krenn t'maro dji pre, te hayvenn, hoy o ray Yezous t'mendar kamella!

T'mer morsha, avenn yaake kamlo ap t'mare romyende, har o Yezous Kristo kamlo hi ap i patslende! Yob das peskro djipen lenge an o merepen

Glan ko tsiro, har t'mer patslo van, djan t'mer ap o čilačo drom. Kova his har te djans an i rati. Kanna hi kova vavarčandes. Maro ray Yezous djivell an t'mare djia, oun anas t'men ap peskro drom. Yob hi i bari momeli t'menge. Djan kanna ap leskro drom, kay hi bouder kek tamlepen!

O Yezous Kristo hi t'maro ray. Oun t'mer penenn Ray ap leste. Doleske hounte hadell pes kek t'mendar pral o vavareste.

T'mer djouvya, ma hadenn t'men pral t'mare romende! Yaake sikrenn t'mer, kay hi o Yezous Kristo t'maro ray.

Ninna te hayvau me kava lab yaake, penell kava lab t'menge: Hakeno hounte vell yaake kamlo ap peskri romyate, har yob kamlo ap peste hi! Oun i romni hounte vell lačo ap peskro romeste!

An o Debleskro lab hi činlo: Doleske moukell i morsh peskro dades oun peskri da, te djivell lo peskri romyah khetne. Oun kol douy venna yek familya.

Ma djan ap o čilačo drom kolentsa, kay krenna, hoy či moldo oun čilačo hi! Sike lende, har čilačo kova hi!