Popular Bible Verses from 2. Korintarya 4

Share

Kava raylepen hi menge. Mer dikah gar ap kova, hoy i menshe nay dikenna. Na-a, mer dikah ap kova, hoy kanna kek nay dikella. Kova, hoy yon kanna dikenna, hi yek kopo bouder gar koy. Kova, hoy yon gar dikenna, kova ačella hako tsireske.

Doleske vah mer gar khino, ninna te moukell men mari zoor. Ko djipen, hoy o Devel an mende das, vell hako dives pale neves. Ko pharo koova, hoy mer kanna hidjrah, hi tikno oun djal peske. Pal kova vell i baro raylepen. Kova hi shoukeder har halauter, hoy kanna djinah, oun djal peske gar.

Ninna te vell haki rigyatar pharo koova ap mende, krell men kova gar paash. Ninna te djinah boud kope gar, hoy te kras, dah mer gar pre. Ninna te lenn le men palla, hi o Devel pash mende. Ninna te vitsrenn le men tele, stah pale pre.

O lačo lab o Yezous Kristestar hi i baro bravlepen, hoy mer hidjrah an mende. Mer kokres ham har čare, hoy či moldo hi, yaake te dikell hakeno, koy bari zoor vell o Deblestar, oun gar mendar.

Yon patsenn gar ap leste. O beng, kay o ray hi pral kay phoub, kras len korelo, te dikenn le gar, havo lačepen vell dran o lačo lab o Yezous Kristestar. Ko lab sikrell men o Yezouseskro raylepen. Oun yob hi yaake har o Devel.

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.