Popular Bible Verses from 1. Timoteo 6

Share

Yaake har i kourepaskro kourell pes mishto oun dell gar pre, yaake dess tou gar tiro patsepen pre, te tapress ko djipen, hoy gar pre-herella. O Devel das tout gole, te tapress les. Oun tou penal glan boud menshende, kay patseh ap o Yezous Kristeste.

Koon pal i love hi, perell an hako čilačepen. His menshe koy, kay kaman i love yaake boud, kay peran le o Debleskro dromestar tele, oun doukran pen kokres.

Čačepah, koon krella, hoy o Devel kamella, oun leske hi doha, hoy o Devel les della, koleskro djipen hi pherdo lačo koova.

Mer anam či ap kay phoub, oun nay lah či peha, te merah.

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.

Kolla, kay kamenn bravele te vell, kolla perenn an o bengeskro vast, oun anenn pen an boud dinelo oun djoungelo koova. Oun kova anell len an i bibarht oun moukell len tele te djal.

Pen kol bravelenge ninna, te krenn le lačo koova! Lengro dji te vell baro i vavarenge, te denn le ninna i vavaren dran pengro bravlepen! Yon te krenn lačo koova i vavarenge, hi kova lengro bravlepen an o bolepen, hoy ačella. Yaake djivenn le o djipen, hoy o Devel kamella.