Popular Bible Verses from Romanos 14

Share

Soke e charoina e Devleki inai jape o pipe, e charoina e Devleki si chachipe, pas ta veselia ando Santo Duo. Ko radila gia e Kristoke, si drago e Devleke ta e llene ka den len liubao.

Te zivi, zivi e Gazdake; a te meraia, e Gazdake mera. Goleke ando zivoto ta i ando meripe e Gazdake sam.

Goleke roda o lachipe ta e pas, ta te pomozi iek avere, ta te bariva saurre ande iek ttan.

Morabi te na da orbe bilache iek averetar. Mai sukar ttoven ande tumaro mislo te na peraven tumare pplale katar o pachape.

Soke ando Pisipe ppenel gia: “Jau sovel pe mo zivoto, ppenel o Gazda, kai angla ma saurre ka den changa ta saurre ka blagosin man.” Goleke suako lleno amendar ka ppenel e Devleke so vou cherda.

Len sama katar o lleno kai si kovlo ando pachape, ta na jan tumen lea.

¿Ko san tu kai krisi iekke esluga kai si avereko? Te achela pe porrne o te perela. Leko gazda dikkel letar. A vou ka achel pe porrne, soke o Gazda si zuralo te del le e zor.