Popular Bible Verses from Apokalipsis 13

Share

Kate si bizaipe; ko acharel te llinel o numero katar e azdava, soke si numero manuseko, ta o numero si sou stotine ta sovardes ta sou.

Ta blagosisarde la sa e llene kai zivin pe ppuv, gola kai lenge anava inai pisime ando lil katar o zivoto e Bakreko, kai saia dino kurbano mai anglal katar gava sueto.

Ta cherela saurren e minonen ta e baren, e barvalen, ta i e chorren, e eslugen ta i gola kai inai esluge te avel lenge ttodi iek marka pe lengo chikat. Ta niko nasti chinela ta nasti bichinela, te na avela le e marka o o anau katar e azdava, o numero katar leko anau

“Vareko te si te ppangliol ka llal ppanglo; a vareko te mundarela e jarniea, e jarniea morabi te avel mundardo.” Kate si o terpipe ta o pachape katar o santo foro.

Ondaka ttodem man upral pe chisai e moraki, ta dikklem kai likela katar e mora iek azdava kai saia la efta sore ta des singa, ta ande lake singa des korone ta upral pe lake sore, iek anau kai kusel e Devle.

Ta saia lake dino te marelpe e santo foroia, ta te dobil len, ta i saia lake dino te gazdaril pe suako vicha, foro ta ppuv.

Ta kojavel e llenen kai zivin pe ppuv e bare ezgodenchar kai si lake dino te cherel angla e azdava, ta cherel e llenen kai zivin pe ppuv te cheren iek eslika e azdavaki kai si ranime e jarnietar ta kai zivisarda. Ta saia lake dino te del zivoto gole eslika, te sai del orba, ta te cherel te mundaren sa golen kai ni blagosina la.

Ta o dragon kai dikklem saia sargo o leopardo; ta leke porrne sea sargo e melledoke, ta leko mui sargo mui lionoko, ta o dragon dia la pi zor ta po trono ta baro gazdaripe.

Ta avilo lake dino iek mui kai dela bare orbe ta kusela e Devle, ta avila lake dino te gazdaril saranda ta dui chon.

Ta dikklem iek katar lake sore ranime te merel, a lako ranipe sastilo, ta sa o sueto chudisailo pala e azdava.

Mapalal dikklem aver azdava kai likela katar e ppuv; ta saia la dui singa sargo bakreke, a dela orba sargo dragon. Ta si la sa o gazdaripe katar e purvi azdava, ta gazdaril angla la ta cherel e ppuv ta e llene kai zivin pe late te blagosin e purve azdava kai lako ranipe merimako te sastiloia.