Popular Bible Verses from 2 Tesalonisense 2

Share

Na muken te kojaven tumen nisoia. Soke mai anglal katar gua llive si te vazdiniaon po Del leke dusmanura kana ka avel o manus o bilacho, gua kai si leke chinado o meripe.

A amen morabi te da fala e Devle suako llive pala tumende pplalalen kai o Gazda volil tumen, soke o Del esvirisarda tumen te aven e purve llene kai ka aven braduime cheres o Duo kai cherel tumen sante, ta cheres o pachape kai si tumen ando chachipe.

Gua si o dusmano kai ka vazdiniaol pe sa sogo si Devlikano o kai prilichil letar te avel blagosime, ta ka resel te besel vou ando cher e Devleko, ta vou ka cherelpe o Del.

Isto amaro Gazda o Jesukristo, ta o Del amaro Dad kai volisarda amen ta dia amen zor ostade ta o sukaripe kai adurichara letar, te del tumen zor te cheren ta te ppenen suako llive o lachipe.

Goleke o Del mukel te aven kojade katar so inai chacho ta te pachan ando kojaipe

A gua dusmano ka avel pomozime e llavolotar; ka avel bare zoriaia ta ka cherel bare ezgode devlikane kojamne. Ta ka radil suako bilachimaia te kojavel golen kai jasaon, soke ni kamle te len ta te volin o chachipe ta te braduinpe.

Soke o bilachipe kai mangel te cherel po chorial llal angle; samo trubul te ikandol gole kai si po maskaral kai achavel le.