Popular Bible Verses from 1 Korintios 11

Share

Ta kana jale, isto gia lia o taso, ta ppenda: “Gaia mol kai si ande gava taso si mo rat kai lea o Del achel pe iek nevi orba tumenchar. Suako drom kai ka pien katar gava taso den tumen golli mandar.” Ta suako drom kana jana katar gava marrno, ta piena katar gava taso, o meripe e Gazdako ppenen lligo ni ka avel vou.

So o Gazda o Jesukristo sikada man, si isto gua so me sikaden tumen: Kai e riat kana die e Gazda o Jesukristo te mundaren le po krusto, lia ande pe va o marrno, ta kana dia fala e Devle, ppaglale ta ppenda: “Gava si mi esnaga kai si ppagi; cheren gava te sai den tumen golli mandar.”

Goleke, morabi te zumavel suako lleno isto vou pe mai anglal te jal katar o marrno ta te piel katar o taso. Soke te jala ta piela ta te na ttovela sama kai gua si e esnaga e Gazdaki, vou peke jal ta piel iek kris.

Goleke, vareko te jala katar o marrno ta te piela katar o taso e Gazdako ta ni ttovel sama pe so cherel, ka avel dosalo katar e esnaga ta katar o rat e Gazdako.

Goleke sikon mandar sar me sikivau katar o Kristo.