Popular Bible Verses from Biă 3

Share

Ơi Adai pơhiăp hr̂ŏm Môsê: «Kâo Yơh Pô Kâo.» Nŭn ñu laĭ dŏng: «Br̂ơi ih r̂ă br̂ơi nă čo Israel hla ne: “Yang iâo ñu pô ‘Kâo Yơh Pô Kâo,’ ñu pơđơi kâo r̂ai pơ gô-ih.”»

Ơi Adai pơhiăp laĭ: «Kâo ti dŏ hr̂ŏm ih. Tơl ih ba nă plơi lan kâo biă mơ̆ng čal Êjĭp, gô-ih ti ngă buă Ơi Adai mơ̆ng kŏ čĭ ne, hla nŭn yơh ih ti thâo kr̂ăn laĭ kâo pô pơđơi ih nao.»

Nŭn Ơi Adai laĭ: «Anăm r̂ai jĕ ƀon ne ôh! Toh lôi klĭ juă mơ̆ng le ih wŏ, yua ƀon ih dŏ dŏng ne kơnah lơgoh hiam.»

Jr̂ŏng nŭn, Yêhôwa pơhiăp laĭ: «Kâo ƀôh dơdi yơh klơi kơnap-tap nă plơi lan kâo dŏ mơ̆ng čal Êjĭp, wŏt kâo hmĭ jua gơñu ôl hơmr̂ač yua mơ̆ng môt khua bơjăm bơjuă gơñu. Kâo thâo kr̂ăn boih bŭt gơñu bơngŏt-bơngañ. Nŭn yơh, kâo tr̂ŭn r̂ai čiăng dŏng gơñu br̂ơi klaih mơ̆ng ngan môt sô̆n-sat Êjĭp, jr̂ŏng nŭn kâo ti ba biă gơñu mơ̆ng čal nŭn, nao dŏ pơ lŏn-ia hiam dăp pr̂ŏng lơhaih, lŏn-ia nŭn hmâo ia sâo dăp ia ni lơbeh-lơbai, lŏn-ia nŭn ƀon môt sô̆n-sat Kanan, môt sô̆n-sat Hêt, môt sô̆n-sat Amôri, môt sô̆n-sat Pêrĭsit, môt sô̆n-sat Hêwi, dăp môt sô̆n-sat Yêƀuh.

Ti ha anŭn ling-jang Ơi Adai Yêhôwa pơƀôh br̂ơi Môsê ƀôh ñu tăm glah phui tŏng-kr̂ah pôm jr̂ơi. Môsê ƀôh phui ƀŏng pôm jr̂ơi nŭn, plai pôm jr̂ơi nŭn bĭ hiă ôh.

Nêne dŏng, nah! Kâo pơđơi ih nao pơ Pharon, čiăng ih ba nă čo Israel, nă plơi lan kâo, biă mơ̆ng čal Êjĭp.»