Popular Bible Verses from Roma 8

Share

Mangsoo: gi jheddab yoomo Aseing: myid vho: zi yo" dakhyoo" khe: khyen: yu shau" mo ri thoung" shau" zoo: wa da" moo" dangain" mo akyu" bo thu' loo wa shid' re" Aseing gi nyangnu" yo" dage" zei: so' khyoo: ri ngoonu" se'.

Khasu" wim ga: gi ce: zi we' ngoonu" ri nya: jang" mo ayo" kang" pyam'. Shid: khyoo: nghoid loug we' - kangso' dei khyoo: nghoid loug we' -mau lagyoo: yi nghoid loug we' - moug: khung: tho' mo vhoeb khang" mo, nghoid loug we' - yoem: vho" yoem: so' nghoid loug we' - lid: loo" bye zi nghoid loug we'. Moug: khung: tho' mo zi nghoid loug myid thi" khoug: mo, zi nghoid loug we' - ngoonu" da" Aseing Yesu' Khristu khyo" wigi Mangsoo: toin" shid' da" jheddab jang" mo - ngoonu" ri yo" kang" pyam' zi anghoid.

Dalheing: dam nyang: young" gyeing" venyi gi yoem: neing: nyid da ngoonu" ri pang" thoug wa shid' re" gyoo" lo zi nghoid. ngoonu" gi akyu" khasu" mho' wa zi ase' boem yoomo nghoid: wigi ayo" tid kyo" da" kyiyang myeing: da" khyoo: ri venyi nya: gung du nyang: Ngoonu" da" shid' re" Mangso: jhang bo pang" mho' byid: nyid.

Tho' moo tid lid lo da" khyoo: ri agung kaid' lho: dang: thang: said' loo wa. Mangsoo: gi ngoonu" thang: dab jo rigi hang" we' ngoonu" ri yo" ung: wa zi anghoid.

Hougsu" yoomo Khristu Yesu dadeing: za: nyid mo gi tarha" dang: phyed' khyoo: aboo loo.

Xangsu: gungshoo" nheigloem: khyo" vhoeb khang" su: gi - kangso' soem" wa nghoid. Venyi vho: da" khyo" vhoeb' khang" too" su: gi - kangso' yo" lho: myenjham" ngei pyoo: wa.

Nghoidloug we' agang: alain loo" nhang: tho' moo gootu: ngoonu" gi hau khyoo: dangain" yo" thoung" shau" goo" wa jang" moo ngoonu" ri jheddab da Aseing: khyo" wigi atho' tid oung: doid loo" bye.

Akhid" he: da" pyaid moo ngoonu" thoung" shau" nyid da" koug shu: sho" jhen: khyoo: gi thang: phyang" pyaid Mangsoo: gi ngoonu" ri shau" kham: zoo: nhang: wa da" myo nhoo: phung" yoeb yo" citham: atu' yu" ein: ngoo loem" jeing" nyid.

Houg: yoomo - ngoonu" ri Khristu da" jheddab jang" mo - hang" yo" kang" pyam' wa lha". Yau: khe" khyoo myid myoo: ung: loug khyoo: - shen" jhen' khyoo: - zooyoid gyid shid' khyoo: - myoung: joid sho" jhen: da" khyoo: - shid: gyoin noo gyoin thoung" shau" khyoo: said' pyam' shau" da" khyoo: yi gi yo" kang" wa la".

Byu da" nheigloem: ri myang: byid: da" Mangsoo: gi venyi: da" nheigloem: ri we' bo si byid:. Khasu" wim ga ri young" gyeing" Venyi gi Mangsoo: vho: zi yo" dakhyoo" Aseing nya: byu yi shid' re" bo mho' toung" bain: nyid yoomo nghoid.

Mangso: da venyi khyoo: shid' u" she: da zi ri kham: yu da" byu yi gi Mangso: da" nya: zoo: yi nghoid bye.

Gungsho" nheigloem: wigi koid' nhang: da" moozoo" yo' dakhyoo" ti" - kangso' dei nyid mo gi - gungshoo" nheigloem: vho: khyo" za: nheigloem: zhug se' boem ago". Nghoidloug we' venyi khyoo: shid' khyo" cang koid' loo" mo gi venyi vho: ngei da khyoo: cang nyid mo, gi - nya gung ri nyang: yo" vhoeb khang" mo, nghoid.

Mangsoo: gi nya: zoo: gyeing" ri - vhoo" abyid' looza: - ngoonu" dangain" mo shid' re" gung leig xoin" to' pyam' bye: nhung. Ngoonu" shid' re" nya: zoo: ri byid: da" Aseing gi zi jo, moo jo, ngoonu" ri noug noug za: abyid: loo: khasu" se' nyid wa la".

Ngoonu" gi Mangso: da nya: zoo: yi yo" bui" lo da" khyoo: ri young" gyeing" venyi nya: gung nyang: lang" ngoonu" da" venyi yo" dage" sagsi kham: nyid. Ngoonu" gi Mangso: da" nya: zoo yi nghoid yoomo nya: da" byumyu" shid' re" nyheing to" da" mainkaid jeju joem ri ngoonu" shau" kham: zo: boem wa. Khristu da shid' re" Mangsoo: nyheing to" zi ri we' bo shau" kham: zo: boem wa. Khasu" wim ga: ri ngoonu" gi Khristu yo" dage" yaukhe" kyi" khyeug noo bo kham: nghoid ri - nyang: yo" dage" nya: myo nhoo: phung" yoeb bo shau" vang kham: zoo: wa nghoid.

Xangsu: gungshoo" nheigloem: za: dabo nyid su: gi - Mangso: gyi nghoid. Houg: te" nheigloem: za dabo nyid su: gi Mangso: mungdang: ri acang su: nghoid. Gyeing" nyang: ayo" cang su: nghoid.

Moug: myid goin" mo phain" too" shau" su: gi Mangsoo: nya: zoo: yi ri thu' myang loo nhang: wa da" moozoo" joem ri gye nheig byu myid lang" nyid boem.

Phain" too" shau" da mougmyid goin" gi - zoo: khu: noo no, da u" ri yhang: te" da" kyi" khyeug da" jam jau kyiyang myeing khyo" akhid" nyid" ju" sho' kham: zo: yau: nyid da khyoo: ngoonu" se'.