Popular Bible Verses from 1YOHAN 3

Share

Nga" zoo: yi we"- ngoonu" jheddab da" khyoo gi nhoid' yhoo: khoin" thui: yo' za: anghoid- moozoo" yo' yo" toin" shid da" jheddab nheigloem: nghoid ca.

Khristu gi yha" da" gung leig xoin" khyo" - nya: kangso' ri xoin" to' pyam byid: bye yoomo jheddab nheigloem: gyeung" zigi cite" zi nghoid ein: ziri gi ngoonu" se' boem bye. Houg su" nghoid yoomo ngoonu" we' mang nhung" yi shid re" ngoonu" kangso' xoin" to' pyam wa zi gi ge byid bye.

Yu" ge' Mangsoo gi ngoonu" ri khayhi' jheddab nyid lha". Nya: da" jheddab nheigloem: gi gye" gyi: zi nghoid wigi ngoonu" ri Mangso nya: zoo: yi ga: myeing byid: bye: ziyo' dakhyoo" ti"- gyeing" nyang: ngoonu" gi Mangso nya: zoo: yi nghoid boem bye- Nghoid loug we' mougmyid gi Mangsoo ri asi yoomo ngoonu" ri we' asi nghoid da.

Yooboo ri za: daxo, nyhen" zei: loo" su: hang" nghoid loug we' yu satan yo' sen: su: nghoid nyid. Khasu" wim gari yu satan gi xang: shed" mo nyang: yooboo koid su: nghoid nyid. Houg: yoomo yu da" moozoo" ri phyo' shoin, pyam wa shid re" Mangso da" nya: zoo: gi po" thu' loo bye.

Mangso da" nya: zoo: bui' bye: su: gi yooboo ri axo, koid loo- Khasu" wim gari hau: yug moo gi Mangso da" alhoo: aved, bo nyid bye. Mangso nya: zoo: bui" bye: bang: gi yooboo ri axo, koid loo nghoid da.

Soid gain ziyoo yoo" su: nghoid nyid lho: wigi nya: da" nheig khyeug nheigloem: ri khyoo jhed' pyam byid su: gi Mangsoo ri jheddab ein: khasu" se tid wa lha".

Mangso amyeing" tarha" ri cang pyeing bang: hang" Nghoid loug we' Mangsoo yo' dadeing: daloem za: nghoid nyid wigi Mangsoo we' hau yug yo' dadeing: daloem za: danyid nyid. Houg: su" yo" bue" da" khyoo: gi Mangsoo nyang: byid: kaid' da" gyeungshang: Venyi yoomo ngoonu" se' nyid.

Hau: khyoo: gi Mangso da" nya: myid: nya: zoo: yi yo' yu satan da" nya: myid: nya: zoo: yi gi gyi" sho' shai" go" da" khyoo: ri bang bang nyang: myang se' da" khyoo: nghoid. Hang" nghoid loug we' deing byeung" da" moo" ri azei: ziyo' houg: su" anghoid lang" gi - nya: mang: nya: nhung" yi ri ajheddab bang: gi Mangsoo da" nya: zoo: yi anghoid.

Xang: shed" mo nanu" shau" gyo: yu" bye: da" dang: soo" khoin" gi nanu" nyang: cang" jheddab goo" ge'. ga: da" mungdang: nyang: nghoid bye.

Houg: su" nghoid yoomo mang nhung" yi we"- moug: myid byu yi gi nanu" ri anoug angei koid lo khyoo: ri amhoug" goo".