Popular Bible Verses from 1Korinthians 6

Share

Nanu" da" gung doem: gi nanu" moo: bo nyid da" Mangsoo byid: hau: gyeungshang: da" Venyi noku yhoem: nghoid ziri- nanu" asi' loo goo" la" Hau: Aseing gi nanu" ri aphoug" phyed' lho: qei yu too" mo, nghoid- Hougsu" nghoid yoomo- nanu" da" gung doem: yo' Mangso da" myonhoo: phung" yoeb, ri thu ri" nhang: wa shid re" ci: yhoung: nyid ge'.

Akhyeing" ashoeb bang: gi Mangso mungdain ayo" vang seing: wa ziri: nanu" nyang: deing" deing se' nyid bye. Khyoo: avhang: goo"- youg: shoo: goo" mo, phara" soolhoo: no mo, sube" myi: lhoid mo, yug gi nyang: cang aved avhu: koid goo" mo Khoug" mo, fain" mo, vhoo: boo myo, no, bang- yhid: ya: vang bang: juang" yi gei sang: shang pyang: yen" mo,- khoug" mo, mhoug mo,- hid: bang: mo hang" we'- Mangso mungdain ri yo" seing: boem wa zi anghoid.

Youg: shoo: go" da" moozoo" ri jang" pyam nyid ge'- byu wigi: zei: shoid da" yooboo dangain" gi nya: gung doem: ri shoid zi anghoid- nghoid loug we' soem" lid' sho: khyo" youg: da" yooboo yoo" su: gi nya: gung doem: ri nyang: shoid vhang: nyid su: nghoid.

Nanu" mo byu dayug yug gi"- Ngoo gi ce" noem ri we' koid wa da" akhang" yo" ga: wigi: tid wa zi nghoid. Nanu" tid ziyo' dakhyoo" deing wa nghoid loug we' dangain" gi re" da" shid mo ge zi anghoid. Ngoori: join, yo" koid nhang:

Mangsoo gi hau" Aseing ri shid: jang" mo doem dei to' loo nhang: khyo" wigi- ngoonu" ri we' nya: da" yoem: zeing mo doem dei to' loo nhang: wa zi nghoid.