Popular Bible Verses from Romanos 8

Share

C ojel Jajal Diose' cu beetic tuláacal ba'ale' u ti'al u yutzil le máaxo'ob yaabiltique', máaxo'ob dzo'oc u t'anic je'el bix u tucultmajile'.

Bey túuno', ma'alob in wojelil mina'an mix ba'al cu páajtal u tzelico'on ti' u yaacunaj Jajal Dios. Mix le quíimilo', mix le cuxtalo', mix le ángelo'obo', mix ca'anilbe'en páajtalilo'ob yéetel muuko'obo', mix le bejla'abe'en ba'alo'oba', mix le ba'alo'ob bíin taalaco', mix le ca'analo', mix le taamilo', mix u láak ti' le ba'alo'ob beeta'ano'ob tumen Jajal Dioso' cu páajtal u tzelico'on, ti' le yaacunaj tu ye'esaj to'on ti' Cristo Jesús c Yuumtzil.

Bey xano' le Quili'ich Pixano' cu yáantico'on ti' c ma' muuk óolalil. Tumen ma' c ojel payalchi' je'el bix unaje', ba'ale' le Quili'ich Pixano' cu káat óolal ti' Jajal Dios t o'olal, yéetel áacamo'ob ma' tu páajtal u ya'ala'al yéetel t'aano'ob.

¿Ba'ax túun je'el c a'alic tu yo'olal lela'? Wa Junab Jajal Dios ti' yaan t éetele', ¿máax je'el u páajtal u yantal t contrae'?

Bejela'a' túune' mina'an mix jun p'éel xot kiin u ti'al le máaxo'ob nupa'ano'ob ti' Cristo Jesuso', le máaxo'ob ma' tu cuxtalo'ob je'el bix u ya'alic u lu'umcabil wíinclilo'obo' ba'ale' cu cuxtalo'ob je'el bix u ya'alic le Quili'ich Pixano'.

U dzáic u yóol máac chéen ti' u ba'alo'obil le wíinclilo' cu bisic máac ti' quíimil; ba'ale' u dzáic u yóol máac ti' u ba'alo'obil le Pixano' cu bisic máac ti' cuxtal yéetel ti' jéedzel óolal.

Ba'ale' ti' tuláacal le ba'alo'oba' c jóokol yéetel máan tip'a'anil utz tu yo'olal le máax tu yaabiltajo'ono'.

Bejela'e' túune' quin tucultique' le ba'ax c mukyajtic ti' le kiino'oba' mix ba'al wa c quetic yéetel le nojbe'enil bíin chíicbesa'ac ti' to'ono'.

¿máax túun je'el u páajtal u tzelico'on ti' u yaacunaj Cristoe'? ¿Je'el wa u páajtal u beetic le mukyajo', wa le talam ba'alo'obo', wa le ch'a'apachtajilo', wa le wi'ijilo', wa le x ma' nookilo', wa le sajbe'entzililo', wa le quíimilo'?

Jajal Dios máax cu xakaltic le pucsi'ikalo'obo', u yojel ba'ax u káat u ya'al le Quili'ich Pixano'; tumen le Quili'ich Pixano' cu káat óolal je'el bix u káat Jajal Diose' tu yo'olal le máaxo'ob u ti'alo'obo'.

Tuláacal le máaxo'ob cu nu'ucta'al u beelo'ob tumen u Quili'ich Pixan Jajal Diose' leti'obe' u paalalo'ob Jajal Dios.

Tumen le máaxo'ob cu cuxtalo'ob je'el bix u ya'alic le lu'umcabil wíinclilo' chéen ti' u ba'alubáilo'ob le wíinclilo'ob cu dzáic u yóolo'obo'; ba'ale' le máaxo'ob cuxa'ano'ob je'el bix cu ya'alic le Quili'ich Pixano' cu dzáic u yóolo'ob ti' u ba'alo'obil le Pixano'.

Jajal Diose' ma' tu ya'alaj to'on ma' u dzaíc u Paali', ba'ale' tu kubaj u ti'al j quíimil t o'olal tuláacalilo'on; ¿bix túun ma' u dzáic to'on xan tuláacal ba'al yéetel u Paal?

Le Quili'ich Pixana' cu nupicubáa yéetel c pixane' u ti'al u ya'alic to'one' u paalalo'on Jajal Dios. Tumen u paalalo'one', yaan xan ba'al c il yéetel le ayikalil u ya'almaj Jajal Dios u dzáic ti' to'ono', lela' bíin c kam jun múuch' yéetel Cristo, wa c mukyaj bejela'a' tu yéetel u ti'al ca páatac c antal tu nojbe'enil.

Le máaxo'ob cu dzáic u yóolo'ob chéen ti' u ba'alo'obil le wíinclilo' u p'ecmajo'ob Jajal Dios, tumen ma' u káato'ob mix tu páajtal u yantalo'ob yáanal u ya'almaj t'aan Jajal Diosi.

Yéetel ya'ab dzíibolal yéetel alab óolale', tuláacal le ba'alo'ob u beetmaj Jajal Dioso' táan u pa'atico'ob u kiinil le quéen páatac u kaj óolta'al u paalal Jajal Dios.

C ojel tac bejela'e' tuláacal le ba'alo'ob u beetmaj Jajal Dioso' cu yáacan yéetel cu mukyaj je'el bix jun túul co'olel táan u síijsaje'.