Popular Bible Verses from Romanos 6

Share

Tumen u bo'olil le kebano' quíimil, ba'ale' le siibal cu dzáic Jajal Dioso' cuxtal mina'an u xuul tu yo'olal Cristo Jesús c Yuumtzil.

Tumen le kebano' ma' túun yantal u páajtalil ta wóokole'ex, tumen mina'ane'ex tu yáanal le a'almaj t'aano' ba'ale' ti' yane'ex tu yáanal u siibal utzil Jajal Diose'.

Tumen tu yo'olal le ocja'o' j mu'uco'on yéetel Cristo, ca j quíimo'on, u ti'al ca ca'a púut cuxquinta'aco'on yéetel ca yanac to'on jun p'éel túumben cuxtal, je'el bix ca'a púut cuxquinta'abic Cristo ti' le quíimilo' tu yo'olal u nojbe'en páajtalil le Taatao'.

Ma' a kubique'ex a wíinclile'ex ti' le kebano' je'el bix u nu'uculil u beeta'al kaase'. Ba'ale' kubaba'ex ti' Jajal Dios je'el bix máaco'ob quimeno'ob ca'ache' ba'ale' dzo'oc u ca'a púut cuxtalo'ob. Kube'ex a wíinclile'ex ti' Jajal Dios je'el bix u nu'uculil u ti'al u beeta'al utze'.

C ojel le c úuchben wíinico' j si'in ti' cruz yéetel Cristo, u ti'al ca xu'ulsa'ac u wíinclil le kebana' yéetel ca jáawac c palitzilta'al tumen le kebano'.

Bey xan te'ex, tuculte'exe' quimene'ex u ti'al le kebano', ba'ale' cuxa'ane'ex u ti'al Jajal Dios jun múuch' yéetel Cristo Jesús c Yuumtzil.

¿Ba'ax bin c a'al túun? ¿Bíin p'áataco'on wa ti' le kebano' u ti'al ca sen ya'abac u siibal utzil Jajal Dios? ¡Tu jaajile' ma'! To'one' dzo'oc c quíimil u ti'al le kebano'; ¿bix túun je'el u páajtal c cuxtal láili' ti' le kebano'?

Te'exe' jach ma'alob a wojelile'exe' wa ca kubicaba'ex je'el bix palitzil ti' jun túul dzuul u ti'al a wu'uyique'ex u t'ane', palitzile'ex túun ti' le dzuulo' unaj a wu'uyique'ex u t'aan. Bey túuno' wa ca wu'uyique'ex u t'aan le kebano', lela' u ti'al quíimil, wa ca wu'uyique'ex u t'aan Jajal Diose' lela' u ti'al a bisique'ex jun p'éel toj cuxtal.

Nib óolal ti' Jajal Diose', te'ex palitzile'ex ca'ach ti' le kebano', dzo'oc a wu'uyique'ex yéetel tuláacal pucsi'ikal u t'aan le ca'ansaj ti' ba'ax j ku'ubexo'. Le ca j to'oque'ex ti' u palitzilil le kebano', j ooque'ex a meyajte'ex jun p'éel toj cuxtal.