Popular Bible Verses from TITAS 1

Share

Anmah cun Pathian theitu kan si an ti aw; sikhalsehla an ṭuan mi le an tuahmi in a zulhpeh lo. Mitkemza in an um, zianghman thu an ngai lo ih ziangvek thil ṭha tuahtu ding hmanah an tlak lo a si.

Mithiang pawl hrangah cun ziang hmuahhmuah hi a thiang ṭheh; sikhalsehla miborhhlawh le a zum lotu pawl hrangah cun, an thinlung a borhhlawh ruangah zianghman a thiangmi a um lo.

Kan zumnak hram thawn a mil-awmi le rintlak a si mi kan Thuthang kha hnget zetin a pomtu a si pei. Cuticun midang pawl kan zirh awkmi thudik thawn thazaang a pe thei ding ih cuih thudik a eltu pawl ih palhnak khal a langter thei ding.

Kawhhran hruaitu cu Pathian hnaṭuan ah ṭuanvo neitu a si ruangah mawhthluknak um lomi a si pei. Mi puarthau le mi thintawi, zurit hmangmi, mi helhlong le paisa duhham mi a si lo pei. Mikhual le mileng zohthiamtu a si pei ih thilṭha a ngaina pei. A uk-aw theitu a si pei; miding, mithiang le ziaza ṭhami a si pei ih suup theinak neimi a si pei.

Kawhhran upa cu mawhthluknak nei lomi siseh; nupi pakhat lawng a nei mi siseh, a faale pawl cu zumtu si hai sehla puarthaunak le thu ngailonak lamih thangsia lomi si hai seh.