Popular Bible Verses from ROM 2

Share

Curuangah ka rual, midang in thil ṭha lo an tuah ih an thu na relnak in nangmah cu anmah lala vek na si. Pathian ih thurelnak ka luat ding tiah na ruat aw maw si? Culole Pathian zaangfahnak le mi a zawi theizia le a thinsaunak pawl a nasa ngaingaimi hi zianghman ah na siar lo a si maw? Pathian zaangfahnak cu na sual sir dingih a lo hruaitu ah a si, ti cu fiangte in na thei.

Curuangah ka rual, zokhal na sile mi dang na soisel tikah misual na si ve hi pheh theinak na nei lo. Ziangahtile midang thu a ṭhentu cu thilsual tuahtu vek thotho in misual an si ruangah mi thu na ṭhennak in nangmah lala misual na cang awter a si.

Ziangahtile Pathian cun zozo khal bangrep in mi thu a ṭhen a si. Zohman a thleidang lo.

Pathian hmaiih miding timi pawl cu Daan sungih a ummi pawl an hna ih theih lawngin a si lo; Daan ih a fialmi tuahnak in a si sawn.

Ziangtin tile Pathian in zozo khal an tuahmi vekin tuahman a pe ding.

Mi ṭhenkhat cu mahih zawn lawng an ruat ih a ṭha lomi thlun duh ah a ṭhami kha an hnong. Cupawl parah Pathian in a thinhengnak cu meiling bangin a burh ding.

Asinain nang cu na thinlung a hak ih a khoh remrem; curuangah Pathian in a thinhengnak le a dikmi thuṭhennak Ni ah na ton dingmi hremnak cu tam sinsin dingin nangmah tein na khawl a si.