Popular Bible Verses from ROM 13

Share

Kan Bawipa Jesuh Khrih kha ralthuam vekin hruk uh; tisa duhnak le hiarnak pawl cu bansan thlang uh.

Zohnen hmanah baakmi nei hlah uh. Nan baakmi cu pakhat le pakhat duhdawt awknak lawng kha siseh. Duhdawtnak a neitu cu Daan thluntu a si.

Ram uktu bawi pawl kha an thu ngai uh; ziangahtile Pathian ih lungkimnak loin zohman thuneitu an um thei lo; cule atuih thuneitu pawl hi Pathian ih retmi an si.

Zan a cem zik thlang ih sun a ra thleng zik thlang. Khawthim sungih hnaṭuannak pawl cu bansan uhla khawtleu sungih raldo dingah hriamnam lak uhsi.

Mi pakhatkhat na duhdawt asile amah hrang a ṭha lomi cu na tuah dah lo ding. Curuangah Daan kimteih thlun thei timi cu duhdawt awk hi a si.

Curuangah nan pek ding a si mi cu pe uh; pumpak ngahmi sungih pek dingmi ngunkhuai siseh, thilri hrangih pek dingmi ngunkhuai siseh pe uh. Hmaizah tlak a si mi cu hmaizahnak pe uh; upat tlak a si mi cu upatnak pe uh.