Popular Bible Verses from THUPHUAN 3

Share

Ngaihnik! sangka kiangah ka ding ih ka king. Zokhal ka aw a thei ih sangka i ontu cu a innah ka lut dingih a hnenah rawl ka ei ding; cule anih khal keimah thawn a ei ve ding.

Na hnaṭuanmi ka thei. A daih khal na dai lo, a sat khal na sa fawn lo, ti ka thei. Na daih asile dai lawlaw aw, na sat asile sa lawlaw aw, ti ka duh. A daih le dai si lo, a sat le sa si lo; a hlum fangfang na si ruangah ka ka sung ihsin ka lo khak suak ding.

Ka duhdawtmi pawl cu ka kawk ih ka hrem a si. Curuangah taimak suah in um awla na sualnak sir aw.

Na hnaṭuanmi ka thei; na thazaang a mal ti khal ka thei. Asinain ka thuzirhmi na thlun ih ka hmaiah rinsan tlak in na um. Na hmaiah sangka ka ong ih zohman in an khar thei lo ding.

Nehtu ka si zo ih atu-ah ka Pa ih bawi tokham parah ka Pa kiangih ka to vekin nehtu a si mi pawl cu ka bawi tokham parah ka kiangah to theinak thu ka pe ding.

Nangmah cun, ‘Ka lian ih mi neinung ka si; zianghman tlaksammi ka nei lo,’ na ti aw. Sikhalsehla mizonzai le zangfakza na si zia na thei aw lo. Na farah, lawngfangkheh in na um ih na mit a caw.

Ka thupekmi bangtuk in thinsau in harsatnak na tuar thei ruangah leilungtlun mi hmuahhmuah hniksak dingah a ra thleng dingmi harsatnak sung ihsin ka lo humhim ding.

Ka ra cing ding. Nehtu na si ruangih na ngah dingmi laksawng cu zohmanih an lo lon theilonak dingah na neih ciami cu kil ṭha aw.

Curuangah ṭhangharh awla na neih hrihmi kha a thih ngah hlanah thazaang a thar in la sal aw. Ziangahtile hna na ṭuan ciami hi Pathian hmaiah an famkim hrih lo tiin ka hmu.