Popular Bible Verses from THUPHUAN 19

Share

Lungawi aipuang in um uhsi! A maksaknak cu thangṭhat uhsi! Ziangahtile Tuufa nupi ṭhit caan a thleng zo ih monu khal ṭhit awknak puai hrangah timtuah ciain a um zo.

A puan parah le a kawng ah hmin an ngan ih, “Siangpahrang hmuahhmuah lakih Siangpahrang sin, bawi hmuahhmuah lakih Bawi bik,” ti a si.

Cule vancung khi a ong aw ka hmu ih rang raang pakhat a lang. A parih a totu cu Rintlak le Midik tiah kawhmi a si. Thu a ṭhen tikah le ral a do tikah dingnak thawn a ṭhen ih a do a si.

A mit tla cu meisa bangtuk in a alh ih a lu parah bawi lukhuh tampi a khum. A parah a hmin ngan ciain a um, asinain amah siar lo zohman in cuih hmin cu an thei lo. A hnipuan hrukmi cu thisen sungih hnimmi a si. A hmin cu, “Pathian Thu,” ti a si.

A kaa sung ihsin a hriam zetmi ralnam pakhat a ra suak ih cumi thawn miphun tampi a neh ding. Thirfung thawn a uk ding ih Ziangkimtithei Pathian thinhengnak cu sabit rialnak sungih sabit an pal bangin a pal ding.

Sahrang cu an kai ih a mithmuh ah hmuhsaknak mak tampi a tuahtu profet deu khal an kaih cih. Cuih khawruahhar a tuahnak in sahrang hminsinnak a kengtu le sahrang lem a biatu pawl cu a bum. Sahrang le profet deu cu hmun khatah kaatmei thawn a alh ringringmi meilipi sungah an nungcung in an hlon.