Popular Bible Verses from MARKA 13

Share

Mi hmuahhmuah in keimah ruangah an lo hua ding. Sikhalsehla a netnak tiang a tuarsuak theitu cu rundam an si ding.

Ziangtikah a tikcu a thleng ding ti nan theih lo ruangah ralringte le fimkhur tein um uh!

Cule an lo kai ih zungih an lo suahpi tikah ziangso kan sim ding tiah a hlankhan in va phang hlah uh. Tikcu a ra thlen tikah nan sim dingmi cu theihter nan si ding. Ziangahtile nan simmi ṭong cu nanmah ih ṭong a si lo ding; Thlarau Thianghlim ih simmi ṭong a si ding.

Van le leilung hi a cemral ding naón ka ṭongkam hi cu an cemral dah lo ding.

“Sikhalsehla ziangtikah cuih ni le caan a ra thleng ding, ti cu zohman in an thei lo; vanih vancungmi in an thei lo, Fapa khal in a thei lo, Pa lawng in a thei.

Lam naite ih raldonak thawm le lam hlapi ih raldonak thawmvang pawl nan theih tikah thinphang in um hlah uh. Cubangtuk thil cu a thleng ding, asinain caan netnak a si hrih lo.

Inn neitu bawi cu ziang tikah a ra thleng ding, ti nan theih lo ruangah ralring zetin um uh. Zanlam ah a si thei, zanṭim ah a si thei, khawvang hlan khalah a si thei ih nisuak zawng khalah a si thei. Rinlopi ih a ra thlen a si ahcun na ihthat lai lo tong pang hlah seh. Nan hnenih ka simmi hi mi hmuahhmuah hnen khalah ka sim a si: Ralring in um uh,” tiah Jesuh in a ti.

Ram khat le ram khat, uknak pakhat le pakhat, an do aw ding. Khawzakip ah ling a hnin ding ih paam a tlung ding. Cubangtuk cu nauhrin zikih pumnat thok vek a si.

Sikhalsehla caan a net hlanah Thuthang ṭha cu miphun hmuahhmuah hnenah sim a si ding.

Mi tampi keimah ih hmih in an ra ding ih ‘Amah ka si,’ tiah an ti ding ih mi tampi an bum ding.

“Nanmah hrimhrim nan ralring pei. An lo kai ding ih khonsil zung tampi ah an lo suahpi hai ding; Sinakok tla ah an lo thawi ding; keimah ruangah hotu le siangpahrang hmaiah an lo dingter ding. Cuih caan cu ka Thuthang ṭha nan simnak ding caan a si.

Ziangahtile Messiah deu le profet deu tampi an ra ding. Pathian hril ciami pawl hman an bum thei tawk bum dingah hmuhsaknak mak le khawruahhar tampi tla an tuah ding.

“Cuih harsatnak caan hnuah cun ni a thim ding ih thlapi tla a vang lo ding. Van ihsin arsi pawl an tla ding ih van tlolak ih a ummi pawl ih cahnak le huham pawl cu an lamzin keel ihsin an pial ding.