Popular Bible Verses from JEIM 3

Share

Sikhalsehla van ihsin a rami fimnak cu ziang dang hnakin a thiangmi fimnak a si; cuih tlunah daihnak in a khat, a lung a nem ih pawlkom a thiam. Zaangfah thinpemnak a nei ih hnaṭuan ṭha ih rah a suahter. Thleidannak a nei lo ih titer awknak khal a nei lo.

Nanmah lakah fimnak le theihnak a neitu nan um maw? Nan um a si le a nuncan ṭha in langter sehla, tangdornak le fimnak thawn a tuahmi a thil ṭha tuahnak in langter seh.

Cule remnak a tuahtu pawl ih daihnak thawn an tuh-mi thlaici ihsin an khawmmi rah cu ṭhatnak a si.

Iksiknak le hamṭamnak lawng a umnak hmunah cun buainak le ṭhat lonak a phunphun a um ve a si.

Kan lei cu kan Bawipa le kan Pa Pathian thangṭhatnak ah kan hmang ih cule amah ih hmuihmel cuangih a tuahmi kan milaipi pawl camriamnak ah kan hmang lala. Thangṭhatnak ṭongkam le camriamnak ṭongkam cu kan kaa pakhat sung ihsin a suak. Ka u le ka nau tla, hi bangtuk in si ding a si lo.

Cuih meici bangtuk cu lei hi a si. Lei cu a ṭha lomi a si ih kan taksa sungah umnak hmun a rak nei ih cutawk ihsin ṭhat lonak cun kan ruangpum zate-ah a hrawh thluh. Kan nunnak hri le hram tiangin meisa in a ur ih cuih meisa cu hell hmun ihsin a thomi a si.

Sikhalsehla kaa sungih lei cu a hrem theitu ngaingai zohman an um lo. Lei cu a ṭha lomi a si ih uk theih lomi a si; mi that thei tur a nei.

Ka u le ka nau tla, mi tamtuk in zirhtu ṭuan duh hlah uh. Ziangahtile nan theih vekin kannih zirhtu pawl hi midang hnakin luar deuhin thurelnak kan tong ding a si.