Popular Bible Verses from JEIM 1

Share

U le nau pawl, nan hnenah hniksak harsatnak a phunphun a thlen tikah mi vannei kan si tiah ruat aw uh; ziangahtile nan zumnak in cubangtuk hniksak harsatnak nan neh tikah tuar theinak a ra, ti nan thei.

Nanmah lakah fimnak a tlasammi nan um ahcun Pathian hnenah dil sehla Pathian in a pe ding. Ziangahtile zo hnen khalah Pathian cun siangzet le zaangfahnak thawn a pe a si.

Ka duhdawtmi u le nau pawl, hi thu hi cing ringring uh: zokhal thu theih duhnak lam ahcun a zamrangmi si uhla ṭong ding le thinhennak lam ahcun khulfungmi si uh.

Tlaksamnak zianghman um loin a famkim le pitlingmi nan si theinak dingah a net tiang a tuar theitu si dingah zuam uh.

A thu kan theih taakah a tawk ko ti meenin nanmah le nanmah bum aw hlah uh. Nan theihmi kha a tuahsuak tum uh.

Hniksak harsatnak a tuar ih hngette ih a ding theitu cu mi thlawsuak a si. Ziangahtile cubangtuk hniksaknak a neh thei ruangah Pathian in amah a duhdawtu pawl hrangih a tiam ciami nunnak sui lukhuh a ngah ding.

A ṭhami le a famkimmi laksawng hmuahhmuah cu vancung ihsin a rami an si. Vancung tleunak a tuahtu Pathian hnen ihsin a rami an si. A siammi thil pawl cu an thleng aw naón Pathian cu a thleng aw dah lo; tikcu a her awk khalle Pathian hnen ahcun khawthim ti a um dah lo.

A theih lawng a thei ih a tuahsuak lotu cu thlalang ah a hmel a zoh awtu bangtuk a si. Amah cu thlalang ah a hmel a zoh aw ih a si vek cekci-in a hmu aw. Felzet in a zoh-awk hnuah a feh ih hmakhatte-ah a hmel ziangvek a si ti a thei nawn lo.

Pathian kan Pa in a taktak le a thiangmi biaknak ih a ruahmi cu: farah zonzai le nuhmei an harsatnak le an tuarnak ah ṭhatein kilkhawi le khawvel sualnak sungih buahcihter aw lo dingin mah le mah fingkhawi awk kha a si.

Cubangtuk hniksaknak cu mi in an ton tikah, “Pathian in i hniksak a si,” tiah zohman in ti hlah seh. Ziangahtile Pathian cu sualnak in a hniksak thei lo ih amah khal in zohman a hniksak hai lo a si. Sikhalsehla minung cu sualforhnak a ton tikah amah ih taksa hiarnak in a thlem ih thang vekin a awh ṭheu.

A farahmi Khristian unau pakhatkhat Pathian ih bomnak in neinungih a um tikah a lung awi ko seh.