Popular Bible Verses from EFESA 6

Share

Ziangahtile kan domi pawl cu milai an si lo, vanih a ummi thlarau sia cahnak pawl, uktu pawl, thuneitu pawl, le hi a thimmi leikhawvel pumpi uktu pawl an si.

Himi pawl nan tuah tikah thlacam phah in tuah uhla Pathian hnenah bomnak dil uh. Thlarau ih a lo hruainak bangtuk in ziangtik caan pohah thlacam uh. Hi ruangah ralring cia in um uh la nan beidong hlah uh. Pathian minung pawl hrangah cat loin thlacam uh.

Satan bumsiatnak do thei dingah Pathian ih a lo pekmi ralthuam kha hruk uh.

Curuangah atu ihsin Pathian ralthuam kha hruk uhla caansia a thlen tikah nan ral pawl cu nan do thei ding ih a net tiang nan do hnuah nan ṭanhmun cu nan hum ngah ding.

Catbangloin thirphaw ai-ah zumnak kha keng ringring uh; ziangahtile Satan in meiling bangtuk a si mi thal ih a lo kah tikah cuih phaw cun nan hmit thei ding. Cule lukhuh ai-ah rundamnak kha lak uhla Thlarau ih a lo pekmi ralnam ai-ah Pathian ṭongkam kha keng uh.

Curuangah khoh zetin ding cia uh: taikhap ai-ah thutak kha nan tai ah khap uh; ṭaangphaw ai-ah dingnak kha nan ṭaangah song uh; kedam ai-ah daihnak Thuthang ṭha phuan hiarnak kha hruk uh.

A netnak ah, Bawipa thawn nan pehzom awknak le amah ih cahnak ruangah nan thazaang cu cakter sin uh.

“Nan nu le nan pa upat uh,” timi thukham hi, “Na lam a tluang ding ih leitlunah na nun a sau ding,” timi thutiamnak an beetmi thukam hmaisa bik a si.

Nauhak pawl, Bawipa ih hmin in nan nu le nan pa upat uh. Nu le pa upat cu Khristian ṭuanvo a si ih a ṭhami a si fawn.