Popular Bible Verses from DAAN PEKSALNAK 28

Share

“Tuih sunih ka lo pekmi thukham pawl hi feltein nan thlun ih BAWIPA nan Pathian thu nan ngai a si ahcun leitlunih miphun hmuahhmuah hnakin hmun sang deuh ah a lo ret hai ding.

BAWIPA nan Pathian ih thu ngai uhla hi thlawsuah a phunphun hi nan co ding.

BAWIPA nan Pathian in miphun tampi lakah hruaitu-ah a lo tuah hai ding; thluntu cu nan si lo ding. Tuih sunih ka lo pekmi thukham pawl hi feltein nan thlun a si ahcun nan ṭhangso ringring ding; a ṭumsuk lam cu nan si dah lo ding.

BAWIPA in vanih a robawm, van khi ong tahrat in a tikcu caante-ah ruah a run surter ding ih nan hnaṭuanmi hmuahhmuahah hlawhtlinnak a lo pe ding. Cuticun miphun tampi hnenah thilri nan coih ding; asinain nannih cun nan cawi lo ding.

“A lo dotu na ral pawl cu BAWIPA in a lo nehsak ding. Hmun khatih an lo nor hmanah hmun sarih in an tlan ding.

“BAWIPA in na hnaṭuannak cu a thlawsuah ding ih na cuam pawl cu rawl an khat ṭheh ding. A lo pek dingmi ram sungah thlawsuah na ngah ding.

“BAWIPA in na ṭuan na hawlnak kipah mal a lo sawm ding.

“BAWIPA in nan khua le nan ram pawl thlawsuahnak a pe ding.

“BAWIPA in fanu fapa, rawl a phunphun le caw le tuurual thlawsuahnak a lo pe ding.

“BAWIPA nan Pathian thu nan ngai ih a thupekmi hmuahhmuah nan thlun ih a lamzin in nan feh a si ahcun a lo kam zo vekin amah ih minung ah a lo tuah hai ding.

“BAWIPA in na bawm le na kheng tla thlawsuahnak a pe ding.

BAWIPA in nan pu le nan pa hnenih a rak tiamkammi ram sungah thlawsuah a lo pe ding ih nan neinungzet ding: tefa tampi, ṭilva tampi le rawl tampi nan nei ding.

Cutikah leilung tlunih miphun hmuahhmuah in BAWIPA in amah ih minung si dingah a lo hril kha an hmuh tikah an lo ṭih ding.

Hi daan pawl cu ziangtik hmanah bal hlah uh; khawzing dangdang tla bia in rian hlah uh.”

“Sikhalsehla tuih sunih ka lo pekmi daan le thukham pawl hi feltein nan thlun lo ih BAWIPA nan Pathian thu nan ngai lo a si ahcun hi camsiatnak pawl hi nan parah a thleng ding ih nan hnenah a caam ding.