Popular Bible Verses from DANIEL 5

Share

Vancung BAWIPA dodal in hna na ṭuan ih Biakinn ihsin lakmi khuathai le kheng pawl hinah na keng ṭheh. Nangmah le na tlangsuak pawl, na nupi pawl le na nusun pawl in cuih khuathai thawn zu nan in ih sui le ngun, dar le thir, zanthing le lungto thawn tuahmi khawzing pawl nan thangṭhat ciamco. Khua a hmu thei lomi khuavang, zianghman thu a thei thei lo le zianghman theihnak a nei lomi khawzing cu nan cawimawi ciamco. Nan nunnak le nan thihnak tlunih laireltu, na tuahmi hmuahhmuah tlunih thuneitu Pathian sawn cu upatnak zianghman nan pe lo.

“A nganmi cu, ‘Mene, mene, tekel u-pharsin,’ ti a si. Atican cu a tanglam bangtuk in a si: ‘Mene,’ ti cu ‘siar’ tinak a si ih na ram uknak hi Pathian in a ni a siar zo ih a cemter cing ding, tinak a si. ‘Tekel,’ ti cu ‘cuai thlai’ tinak a si ih thlai na si tikah cuai na kim lo tinak a si. ‘u-pharsin,’ ti cu ‘ṭhen’ tinak a si ih na ram uknak hi ṭhenṭhek thluh a si ih Media mi le Persia mi hnenah pek a si, tinak a si,” tiah a ti.