Popular Bible Verses from TIRHTHLAH 4

Share

Rundamnak cu amah ih sung lawngah a um; ziangahtile Pathian ih rundammi kan sinak dingah leikhawvel pumpuluk ah hin minung hnenih pekmi hmin dang zohman an um lo,” tiah a ti.

Thla an cam ṭheh vete in cutawkih an tonkhawmnak inn cu a hnin thluh. Thlarau Thianghlim in an khat ih Pathian thu cu ralṭha zetin an sim.

Maw Bawipa, atuih in hro reromi tla hi nangmah in run thei hram awla kannih na sal pawl tla hin na thu cu ralṭha zetih kan sim theinak dingah in bawm hram aw.

Jesuh thu ahhin Ca Thianghlim in: ‘Inn saktu pawl in nan hnonmi lungto cu a thupi bik lungto ah a cang zo,’ tiah a ti.

Khonsil upa pawl in Piter le Johan cu fimnak le thiamnak a nei lomi mi menmen an si naón ziangtlukin an ral a ṭha ti kha an hmuh tikah an mang a bang ngaingai. Cule annih cu Jesuh ih rualpi an si ti kha an mang sal.

Zumtu pawl cu thinlung le ruahnak rual aw zetin an umtlang. Zohman in a neihmi thilri kha, ‘Ka bulta a si,’ a ti lo; an neihmi hmuahhmuah kha pakhat le pakhat an ṭawm aw.