Popular Bible Verses from 1 SIANGPAHRANG 19

Share

Linghnin a reh hnuah meisa a kaang ciamco; asinain BAWIPA cu meisa sungah a um lo. Cule meisa hnuah aw dimte pakhat a ra.

Elijah cu hramlak ah ni khat sung a feh. Thingpi hnuai ah a cawl ih a to; thih a duh sawn. “BAWIPA, tawk thlang seh, ka zuam nawn lo. Ka nunnak hi run la aw. Ziangahtile ka pu le ka pa pawl hnakih ka ṭhat deuh cuang si lo!” tiah thla a cam.

Cutikah BAWIPA in, “Va suak awla tlang parah khin ka mithmuh ah va ding aw,” tiah a ti. Cule BAWIPA cu a kiangte in a lan ih, thlisia a hranter ih tlang tla a hnin ṭheh ih lungto pawl tla an kuai ṭheh. Asinain BAWIPA cu thli sungah a um lo. Thli a reh hnuah ling a hnin ciamco; asinain BAWIPA cu linghnin sungah a um lo.

Cumi cu Elijah in a theih tikah a puan in a hmai a hup ih lungpuk sung ihsin a va suak ih a kaa kiangah a va ding. Cule aw in, “Elijah, hinah ziangso na tuah?” tiah a ti.

Cutawkih lungpuk sungah zanah a riak. Hmakhatte-ah BAWIPA in a hnenah, “Elijah, hinah ziangso na tuah?” tiah a ti.

Elijah cu a tho ih a ei a in hnuah a tha a um sal ih, ni sawmli le zan sawmli, Pathian ih tlang, tlang thianghlim, Sinai Tlang ah a feh.

Thingpi hnuai ahcun a zau ih a it-thatta. Rinlopi ah vancungmi pakhat in a rung tham ih, “Tho awla rawl ei aw,” a ti.

BAWIPA ih vancungmi cu a ra sal ih a voihnihnak a ra tham sal ih, “Tho awla rawl ei aw; lamzinah na hartuk pang ding,” tiah a ti.

Elijah in, “BAWIPA, Ziangkimtithei Pathian, nangmah lawnglawng ka lo rian ih na hrangah ka ṭangzet a si. Sikhalsehla Israel mi pawl in nangmah thawn an thukammi cu an balsiat zo; na biakṭheng pawl an bal ih na profet pawl an that ṭheh. Keimah lawnglawng ka taang ih atu ah keimah hman cu a thah in tum a si,” tiah a ti.

Cule a kiangkap a zoh tikah a lu kiangah em tharte sang zawl khat le tidai thawl khat a hmu. A ei a in ih a it sal.

Cule Jezebel in Elijah hnenah thu a cah ih, “Baal profet pawl parih na tuah vekin thaisun atu tikcu ah na parih ka tuah ve lo a si ahcun khawzing pawl in keimah i that hai seh,” a ti.

Asinain Israel ram sungah minung thawng sarih ka zuah ding - keimah i rinsantu, Baal khawzing hnenih lu a kun hrih lotu le a Baal lemzuk a hnam hrih lotu pawl an si,” tiah a ti.

Elijah cu a va feh ih Shafat ih fapa Elisha kha cawcang pawl thawn lei a let rero a va hmu. Lei lettu cawcang pawl cu an zatein haal hleikhat an si ih Elisha cu a neta bik haal thawn a ṭuan. Elijah in a puan a hlit ih Elisha parah a vun sin.

Elisha cu a cawcang haal khat umnak ah a va feh ih a that hai ih, cawsa cu a suang; caw hngawngkol cu a suannak zanthing ah a hmang. A suanmi cawsa cu misenpi a pek ih an ei. Cule Elijah cu a thlun ih a bawmtu ah a cang.

Cule Elisha in a cawcang haal cu a taan ih Elijah cu a hei dawi ih a hnenah, “Ka nu le ka pa cibaibuk in ka va hnamta ding ih cuih hnuah ka lo thlun ding,” tiah a ti. Elijah in, “A ṭha, va feh aw; ka lo kham lo,” a ti.