Popular Bible Verses from 1 JOHAN 2

Share

Hi leilung le a sungih thilri hi tlaihsan hlah uh; hi leilung hi nan tlaihsan asile Pathian duhdawtnak nan nei lo a si. Leilung ta a si mi thil hmuahhmuah: sualnak tisa in a hiar mi, milai in an hmuhmi le an duhmi thil, minung in hmaihngal porh awknak ih an ruahmi thil hmuahhmuah hi pakhatte hman Pa hnen ihsin a rami an si lo. A zatein leilung ihsin a rami an si ṭheh.

Leilung le a sungih a ummi thilri, milai ih an tlaihsanmi pawl hi an hloral vivo zo; asinain Pathian duhnak a tuahtu cu kumkhua in a nung ding.

Zokhal Pathian thawn pehzomnak ka nei a titu cun Jesuh Khrih bangin a nung ding.

Ka faale tla, sual nan tuah lonak dingah hi ca hi nan hnenah ka ngan a si. Sikhalsehla pakhatkhat in sualnak nan tuah a si ahcun a dingmi Jesuh Khrih, kan ai-awh in Pa Pathian hnenih thu in simsak theitu kan nei.

Mi pakhatkhat in Pathian ka thei tiah a ti naón a thupek a thlun lo ahcun thuphanper a si ih a sungah thutak a um lo.

Pathian thupek kan thlun ahcun amah a theitu kan si ti a fiang a si.

Zokhal tleunak sungah ka um a ti naón a unau a huatu cu khawthim sungah a um hrih lai tinak a si.

Cuti asile zoso thuphanpertu cu a si? Jesuh cu Messiah a si lo, a titu poh cu thuphanpertu a si. Cupa cu Khrih ih Ral a si ih Pa le Fapa a hnongtu a si.

Ziangtin tile, Fapa a hnongtu cun Pa khal a hnong a si. Zokhal Fapa a pomtu cu Pa khal a pom ve.