Popular Bible Verses from 1 KORIN 13

Share

Duhdawtnak cu a thin a sau ih mi zaangfah a thiam; duhdawtnak cu mi a iksiik lo, tluang a khawng lo ih a puarthau fawn lo. Duhdawtnak cu nun hel-hlong in a nung lo, amah ih zawn lawng a ruat lo, a thin a tawi lo, cule tisual mi parah thinciin a nei lo.

Duhdawtnak cu a bei a dong dah lo; ziangkim a zum, ziangkim a beisei ih ziangkim a tuar thei.

Duhdawtnak cu thil ṭha lo parah a lung a awi lo, asinain thutak parah a lung a awi.

Atu-ah cun a hmun ringringmi thil pathum an um ih zumnak, ruahsannak le duhdawtnak an si; himi lakah a tum bikmi cu duhdawtnak a si.

Duhdawtnak cu cem ni a nei lo. Sikhalsehla profet thusim thiamnak pawl cu a reh ding; theih lo ṭong ih ṭong theinak khal a cem ding. Thiamnak le theihnak tla an hloral ding.

Milai ṭong a phunphun le vancungmi ṭong khal thiam hman ningla duhdawtnak ka neih lo ahcun ka ṭong cu a ring meenmi darkhuang le a awn rurimi darsumsel bangtuk a si.

Profet thusim thiamnak laksawng siseh, fimthiamnak a phunphun le thuthuuk a phunphun theih theinak khal siseh, tlang ṭhawn thei zumnak tiang khal nei hman ningla duhdawtnak ka neih lo ahcun zianghman ka si lo.

Ka neih hmuahhmuah mi pe ṭheh in ka ruangpi hi meisa ih ur dingah pe hman ningla duhdawtnak ka neih lo ahcun ka hrangah zianghman a ṭhahnem lo.

Nauhak ka rak si laiah cun ka ṭong daan, ka thil hmuhdan le ka thuruahdan cu an nauhak ngaingai. Asinain atuah cun ka upa thlang ih nauhak daan cu ka thlun duh nawn lo.