Popular Bible Verses from Apocalipsa 5

Share

Elji cãnta un cãntic nou, dzãcãnda: “Axiu eshti s-ljeai cartea shi s-disfatsi vulili a ljei, cã, tini ti tãljeashi sh-cu sãndzili a tãu arãscumpãrash trã Dumnidzãlu oaminji di tuti soili, limbili, populjilji sh-fãrili.

Elji dzãtsea cu boatsi analtã: “Axiu easti Njelu atsel tãljeatlu, s-ljea fuchii, aveari, frunimeatsã, puteari, tinjii, mãriri sh-ghinicuvintari!”

Tini lji ai faptã elji ca unã amirãrii sh-preftsã trã Dumnidzãlu a nostru, sh-elji va s-domneascã pri loc.”

Atumtsea avdzãi tuti fãpturili cai suntu tu tser, pristi loc, sum loc, atseali tsi suntu tu amari sh-tuti atseali tsi suntu tu nãsi, cai dzãtsea: “Atsilui tsi sheadi pri thron sh-a Njelui, s-lji hibã alãvdarea, tinjia, mãrirea sh-putearea tu eta a etilor!”

Atumtsea un di aushlji nj-dzãsi: “Nu plãndzi! Ia, ljundarlu tsi easti di soia al Iuda, arãdãtzina al David, nichisi s-discljidã cartea shi shapti vulili a ljei.”