Popular Bible Verses from Apocalipsa 3

Share

Ia, mini stau la ushi sh-asunã. Macã vãrã ascultã boatsea a mea sh-discljidi usha, va intru nãuntru, va mãcã tsinã cu nãsu sh-elu cu mini.

Mini li shtiu faptili a tali, tsi tini nu eshti nitsi arcuros nitsi hertu. Canda s-earai arcuros icã hertu! Ashãtsi, metsi eshti cãlduros sh-nu eshti nitsi arcuros sh-nitsi hertu, va s-vom dit gura a mea.

Mini tuts atselji tsi li voi lji vãrghescu sh-lji disiplinescu. Trã atsea, aspun zel sh-mitãnjiuseati!

Mini li shtiu faptili a tali. Ia, alãsai nãintea a ta unã ushi discljisã sh-vãrã nu poati si u-ncljidã, cã tini ai putsãnã fuchii sh-u vigljeash zborlu a meu sh-nu u-ai alipidat numa a mea.

Atsilui tsi nichiseashti, va lj-dau si s-apunã cu mini tu thronlu a meu, ashãtsi di cum sh-mini nichisii shi shidzui cu Tatãl a meu tu thronlu a lui.

Tini dzãtsi: ‘Escu avut sh-escu avutsit sh-nu am ananghi di tsiva.’ Ma nu shtii cã eshti curbisit, mãrat, oarfãn, orbu sh-dispuljeat.

Metsi tini vigljeash zborlu s-aravdzã, sh-mini va ti veglji tini di oara a provãljei, tsi va yin pristi tutã lumea, tra s-lã bagã tu provã locuitorlji a loclui.

Mini ma yinã troarã! Tsãnã-ti la atsea tsi ai, tsi nitsiunã s-nu su ljea curuna a ta.

Dishteaptã-ti! Nvãrtushea atseali tsi au armasã, tsi suntu etinji trã muriri, cã nu li am aflatã faptili a tali mpliniti nãintea a Dumnidzãlui a meu.