Popular Bible Verses from Apocalipsa 16

Share

“Ia, ma yin ca fur! Ca hara di atsel tsi sta dishtiptat sh tsãni nviscut stranjili a lui, tra s-nu imnã dispuljeat shi si s-veadã arushinea a lui.”

A shasilu anghil u virsã cupa a lui tu arãulu atsel marili Eufrat sh-apili a lui si astrãchirã tra si etimãseascã calea a amiradzlor tsi yin di arãsãrita a soarilui.

Atseali suntu duhuri di demonji tsi fac seamni, tsi easã cãtrã amiradzlji a lumiljei ntreagã, tra s-lji adunã trã alumtari tu dzua atsea marea a Dumnidzãlui a Tutãpututul.

Deapoea vidzui s-ishea dit gura a lamnjiljei, dit gura a agrimiljei sh-dit gura a prufitlui arãdios trei duhuri nicurati ca broashti.

Sh-oaminjlji s-dugurirã di pira atsea marea sh-blãstimarã numa al Dumnidzãu, atsilui tsi ari puteari pri aesti pledzi sh-elji nu s-mitãnjiusirã trã dari a lui mãriri.

S-dusi protlu, u-virsã cupa a lui pri loc. Atumtsea unã pleagã urutã sh-durutã lã acãtsã tuts oaminjlji tsi avea semnul a agrimiljei shi si ncljina la icoana a ljei.

Sh-duhurili lji adunarã amiradzlji tu loclu tsi pi uvreieshti s-acljeamã “Armaghedon”.