Popular Bible Verses from Apocalipsa 14

Share

Atumtsea avdzãi unã boatsi dit tser tsi nji dzãtsea: “Scrii: Ca hara di mortsãlji, di atselji tsi moarã trã Domnul di tora sh-nclo.” “Ie,” dzãtsi Duhlu, “tra si s-arihãtipseascã di apustusirili a lor, cã faptili a lor lji urmeadzã di nãpoi.”

Aoatsi easti arãvdarea a popului a Dumnidzãlui, atsilor tsi li veaglji dimãndãrili al Dumnidzãu sh-pistea al Isus.

Elu dzãtsea cu boatsi analtã: “Aspãrats-vã di Dumnidzãlu sh-dats-lji a lui mãriri, cã vini oara a giudicatãljei a lui. Ncljinats-vã atsilui tsi adrã tserlu, loclu, amarea sh-izvurili a apilor.”

Un altu anghil, a treilu, lji urma dzãcãnda cu boatsi analtã: “Macã vãrã si ncljinã a agrimiljei sh-a icoaniljei a ljei sh-ljea semnul pri frãmtea icã pri mãna a lui, va s-bea sh-elu di yinlu a inatiljei al Dumnidzãu, tsi easti misticat nisubtsãrat tu cupa a inatiljei a lui. Elu va si s-mundueascã tu foc sh-tu schifurã nãintea a sãmtsãlor anghilj sh-nãintea a Njelui. Fumlu a munduirilor a lor va si s-alinã tu eta a etilor, sh-nu va aibã arihati dzua sh-noaptea atselji tsi si ncljinã a agrimiljei sh-a icoaniljei a ljei sh-caitsido tsi ljea semnul a numãljei a ljei.”

Atumtsea vidzui Njelu tsi stãtea tu muntili Sion, sh-deadun cu nãsu eara unã sutã patrudzãtsi patru di njilji di oaminji tsi avea numa a lui sh-numa a Tatãlui a lui scriatã pri frãmtili a lor.

Deapoea vidzui un altu anghil azbuirãnda tu anãltsãnjili a tserlui, tsi avea un evanghelu di daima trã dimãndari ca bunã-hãbari atsilor tsi bãneadzã pri loc, va s-dzãcã la cathi farã, la cathi soi, la cathi limbã sh-la cathi populu.

Un altu anghil, a doilu, lu urmã dzãcãnda: “Cãdzu, cãdzu Babilonlu atsel marili, atsel tsi lji ari datã s-bea a tutã lumiljei di yinlu a inatiljei sh-a putãnsiriljei.”