Popular Bible Verses from Mateu 10

Share

Ia, mini ma vã-pitrec ca oili tu mesea a luchilor. S-hits mintimenji ca nãpãrtisili sh-curats ca purunghilji.

Cai va s-tsãnã bana a lui va u-chearã, ma atsel tsi va u-chearã trã mini va u-aflã.

Sh-nu vã aspãrats di atselji tsi vatãmã truplu, cã nu pot s-vatãmã suflitul. S-vã aspãratsã ma multu di atsel tsi poati s-vã chearã suflitlu sh-truplu tu Colasi.

Sh-atsel tsi nu ljea crutsea a lui sh-nu yini dupã mini, nu easti axiu trã mini.

Trã atsea, caitsido tsi va mãrtiriseascã ti mini nãintea a oaminjilor, sh-mini va mãrtirisescu nãintea a Tatãlui a meu, tsi easti tu tseruri. Ma caitsido tsi va mi aleapid nãintea a oaminjlor, sh-mini va lu aleapid nãintea a Tatãlui a meu tsi easti tu tseruri.

Vindicats lãndzitslji, curats leproshlji, nyeats mortsãlji, aĝunits demonjilji. Ca doarã loatã, ca doarã s-dats.

S-nu avets fricã! Voi custusits ma multu di multsã harabelji.

S-nu vã minduits cã mini am vinit s-aducã pacea pri loc. Nu vinj s-aducã pacea, ma spata.