Popular Bible Verses from Ioan 4

Share

Dumnidzãlu easti duh, sh-atselji tsi lji-si ncljinã prindi s-lji si ncljinã tu Duh sh-tu alihea.”

Ma yini oara, sh-tora ari vinitã, tsi ncljinãtorlji alihioshi va si ncljinã la Tatãl tu Duh sh-tu alihea, cã ahtãri ncljinãtori va Tatãl.

Ma cai bea di atsea apã, tsi va lji dau mini, nu va-aibã pute seati. Sh-apa, tsi mini va lji dau, va s-facã tu nãsu un izvur di apã tsi va lji da tu eta di totãna.”

Isusul lj-apãndisi: “Ma s-u shtiai tini doara a Dumnidzãlui sh-cai easti atsel tsi ts-dzãtsi: ‘Dã-nji s-beau’, tini idyia va cãftai di la nãsu sh-elu va tsã dãdea apã yii.”

Isusul lã dzãsi a lor: “Hranea a mea easti tsi s-facã vrearea a atsilui tsi mi pitricu shi s-mplinescu lucrul a lui.

Muljearea lji-dzãsi: “Doamne, tini nitsi stamnã nu ai sh-putslu easti hãndosu, iu va-u aflã apa atsea yiea?

Muljearea lji-dzãsi: “Mini shtiu cã va yinã Mesia” (acljimat Hristos). “Cãndu va yinã elu, va nã-li aspunã tuti.” Isusul lji-dzãsi: “Mini escu atsel, tsi ma s-greashti!”

“Haidets, videts un om tsi nji-ari dzãsã itsido tsi am faptã. Nacã aestu easti Hristolu?”