Popular Bible Verses from Galatsenji 3

Share

Hristolu nã arãscumpãrã dit blãstemlu a legiljei, cã elu idyiul s-featsi blãstem trã noi, cum easti scriat: “Blãstimat easti caitsido tsi si spindzurã pri un lemnu.”

Nu ari ma Iudeu icã Elin, nu ari ma sclav icã liber, nu ari ma mascur icã theamin, cã tuts voi hits fapts un tu Hristolu Isus.

Macã voi hits a Hristolui, atumtsea voi hits siminãtura al Abraham sh-mushtinitori dupã tãxirea.

Elu nã arãscumpãrã noi cu nãeti tsi ghinicuvintarea al Abraham s-yinã la pãngãnjlji prit Hristolu Isus, tsi prit pistea noi s-putem s-lom tãxirea a Duhlui.

Easti limpid cã vãrã nu s-fatsi ndreptu prit legea nãintea al Dumnidzãu, cã “ndreptul va s-bãneadzã prit pisti.”