Popular Bible Verses from 2 Sãruna 2

Share

Vãrã s-nu vã arãdã cu vãrã ilei, cã atsea dzuã nu va yinã, ni vinit ma nãinti rebilipsirea sh-ni discupirit omlu a amãrtiiljei, hiljiu a aspãrdzeariljei.

Ma noi prindi s-lu hãristisim totãna Dumnidzãlu trã voi, frats shi-surãri vruts di la Domnul, cã Dumnidzãlu vã aleapsi tra s-hits prots trã ascãpari, prit sãmtsãrea a Duhlui sh-prit pistea tu alihea.

Elu va s-ncuntreadzã sh-va s-analtsã pristi itsido tsi s-acljeami dumnidzã icã tsi s-tinjiseashti tu ncljinari, ahãntu cãt s-apunã tu templul a Dumnidzãlui shi s-aspunã ca Dumnidzã.

Domnul a nostru Isus Hristos sh-Dumnidzãlu Tatãl a nostru tsi nã vru sh-nã deadi diznjirdari eternã sh-nãdii bunã prit harul a lui, s-diznjirdã ininjli a voastri shi s-vã nvãrtusheascã tu itsi zbor sh-lucru bun.

Trã atsea Dumnidzãlu va lã pitreacã a lor unã puteari arãdzãtoarã tsi s-pistipseascã la arãdearea

Vinita a anapudlui va hibã dupã lucrarea al Satan, sh-elu va s-facã cu cathi puteari seamni sh-thavmati arãdioasi. Elu va s-arãdã cu arãutati tuts atselji tsi s-ducã tu chireari, cã arnisirã vrearea trã alihea tsi lji ascapã.

Putearea atsea ascumta a anapudiiljei easti tora tu lucrari. Atsel tsi l-ncheadicã va fac ashã, pãnã cãndu s-mutã dit cali.